അഫ്ഗാന്‍ വെല്ലുവിളി മറികടന്ന് 231റൺസ് നേടി ഇംഗ്ലണ്ട്

Georgebell

അണ്ടര്‍ 19 ലോകകപ്പ് സെമിയിൽ അഫ്ഗാനിസ്ഥാനതിരെ ആദ്യം ബാറ്റ് ചെയ്ത ഇംഗ്ലണ്ടിന് 231 റൺസ്. മഴ കാരണം 47 ഓവറാക്കി ചുരുക്കിയ മത്സരത്തിൽ 6 വിക്കറ്റ് നഷ്ടത്തിലാണ് ഇംഗ്ലണ്ട് ഈ സ്കോര്‍ നേടിയത്. ടോപ് ഓര്‍ഡറിൽ ജോര്‍ജ്ജ് തോമസ്(50) അര്‍ദ്ധ ശതകം നേടിയെങ്കിലും മറുവശത്ത് വിക്കറ്റുകള്‍ വീണപ്പോള്‍ ഇംഗ്ലണ്ട് 92/4 എന്ന നിലയിലേക്ക് വീഴുകയായിരുന്നു.

Afghanistanu19

ഒരു ഘട്ടത്തിൽ 200 കടക്കുവാന്‍ ഇംഗ്ലണ്ടിന് ആകുമോ എന്ന് തോന്നിപ്പിച്ചുവെങ്കിലും ഏഴാം വിക്കറ്റിൽ ജോര്‍ജ്ജ് ബെല്ലും – അലക്സ് ഹോര്‍ട്ടണും ചേര്‍ന്ന് നേടിയ 95 റൺസാണ് ടീമിനെ 231 റൺസിലേക്ക് എത്തിച്ചത്. ജോര്‍ജ്ജ് ബെൽ 56 റൺസും അലക്സ് ഹോര്‍ട്ടൺ 53 റൺസുമാണ് നേടിയത്. അലക്സ് 36 പന്തിൽ നിന്നാണ് തന്റെ മിന്നും പ്രകടനം പുറത്തെടുത്തത്. ഇരു താരങ്ങളും പുറത്താകാതെ നിന്നു.