കോമൺവെൽത്ത് ഗെയിംസ് ഷെഡ്യൂള്‍ തയ്യാര്‍, ഇന്ത്യയ്ക്ക് ആദ്യ മത്സരത്തിൽ എതിരാളികള്‍ ഓസ്ട്രേലിയ

2022 ബിര്‍മ്മിംഗാം കോമൺവെൽത്ത് ഗെയിംസിലെ വനിത ടി20 മത്സരങ്ങളുടെ ഷെഡ്യൂള്‍ ആയി. ജൂലൈ 29ന് ആരംഭിയ്ക്കുന്ന മത്സരങ്ങളുടെ ഫൈനൽ ഓഗസ്റ്റ് 7ന് നടക്കും. ഗ്രൂപ്പ് എയിൽ ഓസ്ട്രേലിയ, ഇന്ത്യ, പാക്കിസ്ഥാന്‍, ബാര്‍ബഡോസ് എന്നിവരും ഗ്രൂപ്പ് ബിയിൽ ന്യൂസിലാണ്ട്, ദക്ഷിണാഫ്രിക്ക, ഇംഗ്ലണ്ട്, ശ്രീലങ്ക എന്നിവരുമാണ് കളിക്കുന്നത്.

Commonwealthgameswomen

ബംഗ്ലാദേശിനെ പരാജയപ്പെടുത്തിയാണ് ശ്രീലങ്ക കോമൺവെൽത്ത് ഗെയിംസിലേക്ക് യോഗ്യത നേടിയത്. ജൂലൈ 29ന് ഓസ്ട്രേലിയയ്ക്കെതിരെയാണ് ഇന്ത്യയുടെ ആദ്യ മത്സരം.

Srilankawomen2

സെമി ഫൈനൽ മത്സരങ്ങള്‍ ഓഗസ്റ്റ് 6നും വെങ്കല – സ്വര്‍ണ്ണ മെഡൽ മത്സരങ്ങള്‍ ഓഗസ്റ്റ് 7നും നടക്കും. എല്ലാ മത്സരങ്ങളും എഡ്ജ്ബാസ്റ്റണിലാണ് നടക്കുക.