ഏകദിന ലോകകപ്പിന് മുന്നോടിയായി ഓസ്‌ട്രേലിയക്ക് കനത്ത തിരിച്ചടി. ഇന്നലെ ദക്ഷിണാഫ്രിക്കയ്‌ക്കെതിരായ ഏകദിന മത്സരത്തിനിടെ കൈക്ക് പരിക്കേറ്റ ഓപ്പണർ ട്രാവിസ് ഹെഡ് ലോകകപ്പിൽ പങ്കെടുക്കുന്നത് സംശയത്തിലായിരിക്കുകയാണ്. ഇനൊ ഒരുമാസം മാത്രമാണ് ലോകകപ്പിനുള്ളത്. ഇന്നലെ ജെറാൾഡ് കോറ്റ്‌സിയുടെ പന്ത് കൈയിൽ തട്ടിയാണ് ഹെഡിന് പരിക്കേറ്റത്‌.
താരത്തിന് ഇന്ന് കൂടുതൽ സ്കാനുകൾ നടത്തും. എന്നിട്ട് മാത്രമെ പരിക്ക് എത്ര സാരമുള്ളതാണെന്ന് ഓസ്ട്രേലിയ പറയുകയുള്ളൂ. ഓസ്ട്രേലിയയുടെ ഏറ്റവും മികച്ച ബാറ്റർമാരിൽ ഒരാളാണ് ഹെഡ്. താരം ഈ വർഷം മികച്ച ഫോമിലുമാണ്. ഇന്ത്യക്ക് എതിരായ പരമ്പരയും ഹെഡിന് നഷ്ടമാകും.
