ലോകകപ്പ് അടുത്ത് നിൽക്കെ ന്യൂസിലൻഡിന് വലിയ ആശങ്ക നൽകുന്ന വാർത്തകൾ ആണ് വരുന്നത്. ഇംഗ്ലണ്ടിനെതിരായ നാലാം ഏകദിനത്തിനിടയിൽ വലത് തള്ളവിരലിന് പരിക്കേറ്റ ബൗളർ ടിം സൗത്തി ലോകകപ്പ് കളിക്കുന്നത് സംശയത്തിലായിരിക്കുകയാണ്. മത്സരത്തിന്റെ 14-ാം ഓവറിൽ ക്യാച്ച് എടുക്കാൻ ശ്രമിക്കുന്നതിനിടെയാണ് സൗത്തിക്ക് പരിക്കേറ്റത്. വിരലിന്റെ എല്ല് ഒടിഞ്ഞതായാണ് പ്രാഥമിക റിപ്പോർട്ട്.
ന്യൂസിലൻഡ് പ്രഖ്യാപിച്ച 15 അംഗ ലോകകപ്പ് ടീമിൽ ഉള്ള താരമാണ് സൗത്തി. ലോകകപ്പ് ടീമിൽ ഉള്ള മറ്റൊരു താരമാണ് ഡാരിൽ മിച്ചലിനും ഇന്നലെ പരിക്കേറ്റു. മിച്ചലിനും വിരലിനാണ് പരിക്കേറ്റത്. പരിക്കേറ്റ ഉടനെ കളം വിട്ടു എങ്കിലും അദ്ദേഹം പിന്നീട് മത്സരത്തിൽ ബൗൾ ചെയ്യാൻ മടങ്ങിയെത്തി. രണ്ടാം ഇന്നിംഗ്സിൽ ബാറ്റും ചെയ്തു.
