റസ്സല്‍ മോഡില്‍ ഷിഹാസ്, ടിപിഎല്‍ ഈ സീസണിലെ ഏറ്റവും ഉയര്‍ന്ന സ്കോര്‍ നേടി യുണൈറ്റഡ് വാരിയേഴ്സ്, ഹൈ സ്കോറിംഗ് മത്സരത്തില്‍ ജയം 21 റണ്‍സിന്

- Advertisement -

ഓപ്പണര്‍ എഎസ് ഷിഹാസിന്റെ തകര്‍പ്പന്‍ അടികള്‍ കണ്ട മത്സരത്തില്‍ ജിഡിഎസിനെതിരെ പടുകൂറ്റന്‍ സ്കോര്‍ നേടി യുണൈറ്റഡ് വാരിയേഴ്സ്. ഇന്ന് നടന്ന മത്സരത്തില്‍ ആദ്യം ബാറ്റ് ചെയ്ത യുണൈറ്റഡ് വാരിയേഴ്സിന് വേണ്ടി 23 പന്തില്‍ നിന്ന് 77 റണ്‍സാണ് ഷിഹാസ് നേടിയത്. 4 ഫോറും 8 സിക്സും അടക്കം ഷിഹാസ് മികവ് പുലര്‍ത്തിയപ്പോള്‍ അരുണ്‍ ബോസ്, അസ്ലാജ് എന്നിവര്‍ 17 റണ്‍സ് വീതം നേടി. 4 വിക്കറ്റ് നഷ്ടത്തില്‍ 123 റണ്‍സാണ് യുണൈറ്റഡ് വാരിയേഴ്സ് നേടിയത്.

മറുപടി ബാറ്റിംഗില്‍ ജിഡിഎസും ബാറ്റിംഗ് മികവ് കാണിച്ചുവെങ്കിലും പടുകൂറ്റന്‍ സ്കോര്‍ ചേസ് ചെയ്യുന്നതിനിടയില്‍ കാലിടറി 21 റണ്‍സിന്റെ തോല്‍വിയിലേക്ക് ടീം വീണു. പുറത്താകാതെ 16 പന്തില്‍ 31 റണ്‍സ് നേടിയ അജിന്‍ ആണ് ജിഡിഎസിന്റെ ടോപ് സ്കോറര്‍. അജിത്ത് 19 റണ്‍സ് നേടി. 17 റണ്‍സ് ടീമിന് എക്സ്ട്രാസ് ഇനത്തിലും ലഭിച്ചു.

യുണൈറ്റഡ് വാരിയേഴ്സിന് വേണ്ടി അല്‍വാര്‍നോസ് , ഷിഹാസ് എന്നിവര്‍ രണ്ട് വിക്കറ്റ് നേടിയപ്പോള്‍ അരുണ്‍ ബോസ് 3 വിക്കറ്റ് നേടി.

Advertisement