തമിഴ്നാട് പ്രീമിയർ ലീഗിൽ 7 വിക്കറ്റ് ജയവുമായി ദിണ്ടിഗൽ ഡ്രാഗൺസ്. കരുത്തരായ കാഞ്ചി വീരൻസിനെയാണ് ഡ്രാഗൺസ് പരാജയപ്പെടുത്തിയത്. ആദ്യം ബാറ്റ് ചെയ്ത കാഞ്ചി വീരൻസ് 8 വിക്കറ്റ് നഷ്ടത്തിൽ 133 റൺസ് നേടി. 3 വിക്കറ്റ് നഷ്ടത്തിൽ 11 പന്ത് ബാക്കി നിൽക്കെ ഡ്രാഗൺസ് ലക്ഷ്യം കണ്ടു.
വിശാൽ വൈദ്യ (51) റൺസും ലോകേശ്വർ 26 റൺസുമെടുത്ത് കാഞ്ചി വീരൻസിന്റെ ഇന്നിംഗ്സ് പടുത്തുയർത്തി. ഡ്രാഗൺസിന് വേണ്ടിയുള്ള മോഹൻ അഭിനവിന്റെ ബൗളിംഗിന്റെ മുന്നിലാണ് കാഞ്ചി വീരൻസ് വീണത്. മോഹൻ അഭിനവ് മൂന്ന് വിക്കറ്റെടുത്തു. ഹരി നിഷാന്ത് 2ഉം സിലമ്പരസൻ, അശ്വിൻ എന്നിവർ ഓരോ വിക്കറ്റും വീഴ്ത്തി. മറുപടി ബാറ്റിംഗിനിറങ്ങിയ ദിണ്ടിഗൽ ഡ്രാഗൺസ് ഹരി നിഷാന്തിന്റെ 62 റൺസ് പ്രകടനത്തിന്റെ മികവിൽ ജയിച്ച് കയറി. ജഗദീശൻ 21 റൺസും വിവേക് 26 റൺസും നേടി. ഓള്രൗണ്ടർ പ്രകടനം പുറത്തെടുത്ത ഹരി നിശാന്താണ് മാൻ ഓഫ് ദ് മാച്ച്.
