ശ്രീശാന്തിനെ കേരള ടീമിലേക്ക് സ്വാഗതം ചെയ്ത് ടിനു യോഹന്നാൻ

- Advertisement -

മുൻ ഇന്ത്യൻ താരം ശ്രീശാന്തിനെ കേരള ടീമിലേക്ക് സ്വാഗതം ചെയ്ത് കേരള ടീം പരിശീലകൻ ടിനു യോഹന്നാൻ. ഫിറ്റ്നസ് തെളിയിക്കുകയാണെങ്കിൽ ശ്രീശാന്തിനെ ആഭ്യന്തര സീസണിലേക്കുള്ള കേരള ടീമിൽ ഉൾപ്പെടുത്തുമെന്നും ടിനു യോഹന്നാൻ പറഞ്ഞു. ശ്രീശാന്ത് കേരളത്തിന് വേണ്ടി കളിക്കാനുള്ള താല്പര്യം പ്രകടിപ്പിച്ചിട്ടുണ്ടെന്നും അതിനായി പരിശീലനം നടത്തുന്നുണ്ടെന്നും ടിനു യോഹന്നാൻ പറഞ്ഞു.

ശ്രീശാന്തുമായി താൻ ബന്ധപെടുന്നുണ്ടെന്നും എന്നാൽ ടീമിൽ എത്തണമെങ്കിൽ ശ്രീശാന്ത് ഫിറ്റ്നസ് തെളിയിക്കണമെന്നും കേരള പരിശീലകൻ പറഞ്ഞു. കഴിഞ്ഞ ദിവസമാണ് ഇന്ത്യൻ പ്രീമിയർ ലീഗിൽ വാതുവെപ്പ് നടത്തിയതിന്റെ പേരിൽ ബി.സി.സി.ഐ വിലക്കിയ ശ്രീശാന്തിന്റെ വിലക്ക് കലാവധി അവസാനിച്ചത്. കേരള അണ്ടർ 23 ടീമിന്റെ കൂടെ നേരത്തെ തന്നെ ശ്രീശാന്ത് പരിശീലനം ആരംഭിച്ചിരുന്നു.

Advertisement