വെല്ലിംഗ്ടണിലെ ന്യൂസിലാണ്ടും ഇംഗ്ലണ്ടും തമ്മിലുള്ള ടെസ്റ്റ് മത്സരം ഏറെക്കാലം ചര്‍ച്ച ചെയ്യുവാന്‍ പോകുന്ന ഒന്നായിരിക്കുമെന്ന് പറഞ്ഞ് ന്യൂസിലാണ്ട് നായകന്‍ ടിം സൗത്തി. മത്സരത്തിൽ ഇംഗ്ലണ്ടിനെതിരെ ഒരു റൺസ് വിജയം ആണ് ന്യൂസിലാണ്ട് നേടിയത്.
ന്യൂസിലാണ്ടിനെ ഫോളോ ഓണ്‍ ചെയ്യുവാന്‍ ഇംഗ്ലണ്ട് ആവശ്യപ്പെട്ടുവെങ്കിലും രണ്ടാം ഇന്നിംഗ്സിൽ ന്യൂസിലാണ്ട് മികച്ച ബാറ്റിംഗ് നടത്തി ഇംഗ്ലണ്ടിന് മുന്നിൽ 258 റൺസ് വിജയ ലക്ഷ്യം നൽകി. ഇംഗ്ലണ്ട് 256 റൺസിന് ഓള്‍ഔട്ട് ആകുകയായിരുന്നു.
ടെസ്റ്റ് ക്രിക്കറ്റ് ചരിത്രത്തിൽ തന്നെ ഫോളോ ഓണിന് വിധേയരായ ശേഷം വിജയം നേടിയ ചുരുക്കം ചില ടീമിലൊന്നായി ന്യൂസിലാണ്ട് മാറുകയായിരുന്നു. ന്യൂസിലാണ്ട് വേറെയും ചില ക്ലോസ് മത്സരങ്ങളില്‍ വിജയിച്ചിട്ടുണ്ടെന്നും എന്നാൽ ഫോളോ ഓണിന് ശേഷം വിജയം നേടുക എന്നത് വളരെ വ്യത്യസ്തമായ അനുഭവം ആണെന്നും അതിനാൽ തന്നെ ഈ ടെസ്റ്റ് മത്സരം ഏറെക്കാലം ചര്‍ച്ച ചെയ്യപ്പെടുമെന്നാണ് താന്‍ കരുതുന്നതെന്നും ടിം സൗത്തി പറഞ്ഞു.
ഇംഗ്ലണ്ടിനും ഇന്ത്യയ്ക്കും ശേഷം ഫോളോ ഓണിന് ശേഷം വിജയം നേടുന്ന മൂന്നാമത്തെ ടീമായി ഇതോടെ ന്യൂസിലാണ്ട് മാറി.
