ഐ പി എൽ ആണ് താൻ ഇന്ത്യൻ ടീമിലേക്ക് എത്താൻ കാരണം എന്ന് തിലക് വർമ്മ. വെസ്റ്റിൻഡീസിന് എതിരായ ടി20 പരമ്പരയിലൂടെ ഇന്ത്യക്ക് ആയി അരങ്ങേറ്റം നടത്തിയ തിലക് ആദ്യ രണ്ട് ഇന്നിംഗ്സിലും ടീമിന്റെ ടോപ് സ്കോറർ ആയിരുന്നു. ഇന്ത്യക്ക് ആയുള്ള തന്റെ ആദ്യ അർധ സെഞ്ച്വറിയും തിലക് വർമ്മ നേടി കഴിഞ്ഞു.
“രണ്ട് ഐപിഎൽ സീസണുകൾ ആണ് വഴിത്തിരിവായിരുന്നുവെന്ന് എല്ലാവർക്കും അറിയാം. അവിടെയുള്ള എന്റെ പ്രകടനങ്ങൾ കൊണ്ടാണ് ഞാൻ ഇവിടെ എത്തിയത്,” തിലക് വർമ്മ പറഞ്ഞു. “ഞാൻ ഐ പി എൽ കളിച്ച ആ ആത്മവിശ്വാസത്തോടെ കളിക്കുകയാണ്, ഞാൻ ചെയ്യുന്നത് തുടരാൻ ഞാൻ ആഗ്രഹിക്കുന്നു.₹ അദ്ദേഹം പറഞ്ഞു.
“എന്റെ ആദ്യ ഐപിഎൽ സീസണിൽ, രോഹിത് ശർമ്മ എന്നോട്, ഞാൻ ഒരു ഓൾ ഫോർമാറ്റ് കളിക്കാരനാണെന്നു പറഞ്ഞു, അത് എനിക്ക് വലിയ ഉത്തേജനമായിരുന്നു. അത് എനിക്ക് വളരെയധികം ആത്മവിശ്വാസം നൽകി. അന്നുമുതൽ അദ്ദേഹം എന്നോട്് ഞാൻ സ്ഥിരത പുലർത്തണം, അതിനായി കളിക്കളത്തിന് പുറത്ത് അച്ചടക്കം പാലിക്കേണ്ടതുണ്ട്, എന്ന് പറഞ്ഞു. ഞാൻ അദ്ദേഹത്തിന്റെ മാർഗനിർദേശം സ്വീകരിക്കുകയും അദ്ദേഹം എന്നോട് ചെയ്യാൻ പറഞ്ഞ കാര്യങ്ങൾ പിന്തുടരുകയും ചെയ്യുന്നു.” തിലക് വർമ്മ പറഞ്ഞു.
