ഇംഗ്ലണ്ടിനെതിരെ നാലാം ദിവസം ആദ്യ സെഷന്‍ അവസാനിക്കുമ്പോള്‍ ശ്രീലങ്ക 242/4 എന്ന നിലയില്‍. ഇംഗ്ലണ്ടിനെ വീണ്ടും ബാറ്റ് ചെയ്യിക്കുവാന്‍ 44 റണ്‍സ് കൂടി ശ്രീലങ്ക നേടേണ്ടതുണ്ട്. തന്റെ ശതകം തികച്ച് അധികം വൈകും മുമ്പ് ലഹിരു തിരിമന്നേ(111) പുറത്തായെങ്കിലും ശ്രീലങ്കയെ തങ്ങളുടെ സീനിയര്‍ താരങ്ങളായ ആഞ്ചലോ മാത്യൂസും ദിനേശ് ചന്ദിമലും അധികം വിക്കറ്റ് നഷ്ടമില്ലാതെ ലഞ്ച് വരെ എത്തിച്ചു.
നാലാം വിക്കറ്റില്‍ 52 റണ്‍സാണ് ലഹിരു തിരിമന്നേ – ആഞ്ചലോ മാത്യൂസ് കൂട്ടുകെട്ട് നേടിയത്. എന്നാല്‍ തിരിമന്നേയെ പുറത്താക്കി സാം കറന്‍ കൂട്ടുകെട്ട് തകര്‍ക്കുകയായിരുന്നു.
32 റണ്‍സാണ് മാത്യൂസ്-ചന്ദിമല്‍ കൂട്ടുകെട്ട് ലഞ്ച് വരെ നേടിയത്. മാത്യൂസ് 30 റണ്‍സും ചന്ദിമല്‍ 20 റണ്‍സും നേടി ക്രീസില്‍ നില്‍ക്കുന്നു.
