തുടക്കം മോശമായിരുന്നുവെങ്കിലും ടെംബ ബാവുമ നിലയുറപ്പിച്ചതോടെ ജോഹാന്നസ്ബര്‍ഗ് ടെസ്റ്റിൽ കരുത്ത് കാട്ടി ദക്ഷിണാഫ്രിക്ക. മത്സരത്തിന്റെ മൂന്നാം ദിവസം അവസാനിക്കുമ്പോള്‍ ദക്ഷിണാഫ്രിക്ക 287/7 എന്ന നിലയിലാണ്. മത്സരത്തിൽ 356 റൺസിന്റെ ലീഡാണ് ടീം നേടിയിട്ടുള്ളത്.
ടെംബ ബാവുമ പുറത്താകാതെ 171 റൺസ് നേടി ക്രീസിൽ നിൽക്കുന്നതാണ് ദക്ഷിണാഫ്രിക്കയുടെ നില മികച്ചതാക്കിയത്. 42 റൺസ് നേടിയ വിയാന്‍ മുള്‍ഡര്‍ ആണ് ടീമിന്റെ രണ്ടാമത്തെ ടോപ് സ്കോറര്‍.
69/4 എന്ന നിലയിലേക്ക് വീണ ദക്ഷിണാഫ്രിക്കെ ബാവുമ ഒറ്റയ്ക്കാണ് കൈപിടിച്ചുയര്‍ത്തിയത്.
