ടിപില്‍ 2020ല്‍ ഇന്ന് നടന്ന മത്സരത്തില്‍ 13 റണ്‍സ് വിജയവുമായി ആര്‍എം യുണൈറ്റഡ്. മത്സരത്തില്‍ ആദ്യം ബാറ്റ് ചെയ്ത ആര്‍എം 6 വിക്കറ്റ് നഷ്ടത്തില്‍ 68 റണ്‍സാണ് നേടിയത്. മറുപടി ബാറ്റിംഗിനിറങ്ങിയ ട്രെന്‍സിന് 8 വിക്കറ്റ് നഷ്ടത്തില്‍ എട്ടോവറില്‍ 55 റണ്‍സ് മാത്രമേ നേടാനായുള്ളു.
9 പന്തില്‍ 23 റണ്‍സ് നേടി അനുരാജ് ട്രെന്‍സറിന് പ്രതീക്ഷ നല്‍കിയെങ്കിലും സജീവ്(11) ഒഴികെ മറ്റു താരങ്ങളില്‍ നിന്ന് വേണ്ടത്ര പിന്തുണ ലഭിയ്ക്കാതെ വന്നപ്പോള്‍ ടീം തോല്‍വിയിലേക്ക് വീണു. അവസാന ഓവറിലെ ആദ്യ പന്തിലാണ് അനുരാജ് പുറത്തായത്. ആര്‍എം യുണൈറ്റഡിന് വേണ്ടി സുകേഷ്, എംപി വിനോദ് എന്നിവര്‍ രണ്ട് വീതം വിക്കറ്റ് നേടി.
നേരത്തെ ആദ്യം ബാറ്റ് ചെയ്ത ആര്‍എം വിശാഖ്(21), സുജിത്ത്(5 പന്തില്‍ 13), സുകേഷ്(5 പന്തില്‍ പുറത്താകാതെ 11) എന്നിവരുടെ ബലത്തില്‍ 68/6 എന്ന സ്കോര്‍ നേടുകയായിരുന്നു. ട്രെന്‍സറിന് വേണ്ടി ദ്വാരകേഷ് നാല് വിക്കറ്റ് നേടി.
