ടിപിഎല്‍ 2020ന്റെ രണ്ടാം ഘട്ട മത്സരത്തില്‍ ഇന്ന് ക്വസ്റ്റ് ഗ്രീനിന് വിജയം. ടൂണ്‍സ് ഗ്രീനിനെതിരെ 4 വിക്കറ്റ് വിജയമാണ് ടീം സ്വന്തമാക്കിയത്. ആദ്യം ബാറ്റ് ചെയ്ത ടൂണ്‍സ് മൂന്ന് വിക്കറ്റ് നഷ്ടത്തില്‍ 65 റണ്‍സാണ് നേടിയതെങ്കില്‍ ലക്ഷ്യം രണ്ട് പന്ത് അവശേഷിക്കെ 4 വിക്കറ്റ് വിജയം ക്വസ്റ്റ് ഉറപ്പാക്കി.
അവസാന രണ്ടോവറില്‍ 23 റണ്‍സെന്ന ലക്ഷ്യം അവസാന ഓവറില്‍ 12 ആക്കി മാറ്റിയ ക്വസ്റ്റിന് വേണ്ടി ഡി കുമാര്‍ നേടിയ സിക്സും ഫോറുമാണ് മത്സരം ടീമിനൊപ്പമാക്കിയത്. 5 പന്തില്‍ 11 റണ്‍സാണ് ഡി കുമാര്‍ നേടിയത്. 14 റണ്‍സ് എക്സ്ട്രാസ് ഇനത്തി്‍ വഴങ്ങിയതും ടൂണ്‍സിന് വിനയായി. 15 റണ്‍സ് നേടിയ പ്രിന്‍സാണ് ടീമിന്റെ ടോപ് സ്കോറര്‍.
നേരത്തെ ആദ്യം ബാറ്റ് ചെയ്ത ക്വസ്റ്റിന് വേണ്ടി 12 പന്തില്‍ 25 റണ്‍സ് നേടിയ റോബിനും 19 റണ്‍സ് നേടിയ രാജേഷ് ലാഥിയുമാണ് പ്രധാന സ്കോറര്‍മാര്‍. തന്റെ 19 റണ്‍സിനായി രാജേഷ് 23 പന്താണ് നേരിട്ടത്.
