ടെക്നോപാര്ക്ക് പ്രീമിയര് ലീഗിന്റെ ഒന്നാം ഘട്ട മത്സരത്തിൽ ബാറ്റ് ബ്രേക്കേഴ്സിനെതിരെ തകര്പ്പന് വിജയവുമായി സിഡാക് സ്ട്രൈക്കേഴ്സ്. 9 വിക്കറ്റിന്റെ വിജയം ആണ് സിഡാക് നേടിയത്. ആദ്യം ബാറ്റ് ചെയ്ത ബാറ്റ് ബ്രേക്കേഴ്സ് 8 ഓവറിൽ 8 വിക്കറ്റ് നഷ്ടത്തിൽ 47 റൺസ് നേടിയപ്പോള് വെറും 3.1 ഓവറിൽ ഒരു വിക്കറ്റ് നഷ്ടത്തിൽ സിഡാക് തങ്ങളുടെ തകര്പ്പന് വിജയം സ്വന്തമാക്കി.
നാല് വിക്കറ്റുമായി അനൂപ് വിജയയും 3 വിക്കറ്റ് നേടി മനു മോഹനും ആണ് സിഡാക്കിനായി ബൗളിംഗിൽ തിളങ്ങിയത്. 12 റൺസ് നേടിയ അമൽ മോഹന് ആണ് ബാറ്റ് ബ്രേക്കേഴ്സിന്റെ ടോപ് സ്കോറര്.
ബാറ്റിംഗിൽ അനൂപ് വിജയ് (4 പന്തിൽ പുറത്താകാതെ 16 റൺസ്), ഡിഎസ് ഷൈന്(6 പന്തിൽ പുറത്താകാതെ 12 റൺസ്), അന്ഷാദ്(10 പന്തിൽ 15 റൺസ്) എന്നിവരാണ് സിഡാക് വിജയം വേഗത്തിലാക്കിയത്.
