ഏരീസ് എപിക്ക ടൈറ്റന്‍സിന് 32 റണ്‍സ് വിജയം

Sports Correspondent

Download the Fanport app now!
Appstore Badge
Google Play Badge 1

ടെക്നോപാര്‍ക്ക് പ്രീമിയര്‍ ലീഗില്‍ ഐക്കണ്‍ ബ്ലാക്സിനെ പരാജയപ്പെടുത്തി ഏരീസ് എപിക്ക ടൈറ്റന്‍സ്. 32 റണ്‍സിന്റെ വിജയമാണ് ടീം ഇന്ന് സ്വന്തമാക്കിയത്. ആദ്യം ബാറ്റ് ചെയ്ത ടൈറ്റന്‍സിന് വേണ്ടി എ രാജീവ് 15 റണ്‍സുമായി ടോപ് സ്കോറര്‍ ആയപ്പോള്‍ ഷൈന്‍ ബോസ്(13), കെ രാജീവ്(11) എന്നിവരാണ് മറ്റു പ്രധാന സ്കോറര്‍മാര്‍. 15 റണ്‍സ് എക്സ്ട്രാസ് ഇനത്തിലും ലഭിച്ചപ്പോള്‍ 6 വിക്കറ്റ് നഷ്ടത്തില്‍ എട്ടോവറില്‍ നിന്ന് ടൈറ്റന്‍സ് 68 റണ്‍സാണ് നേടിയത്. ഐക്കണ്‍ ബ്ലാക്സിന് വേണ്ടി അഭിഷേകും മുഹമ്മദ് ഹിലാലും മൂന്ന് വീതം വിക്കറ്റാണ് നേടിയത്.

മറുപടി ബാറ്റിംഗിനിറങ്ങിയ ഐക്കണ്‍ ബ്ലാക്സിന് വേണ്ടി ആര്‍ക്കും തന്നെ വേഗത്തില്‍ സ്കോറിംഗ് നടത്തുവാന്‍ സാധിച്ചിരുന്നില്ല. 8 റണ്‍സുമായി പുറത്താകാതെ നിന്ന നിധീഷ് ടോപ് സ്കോറര്‍ ആയപ്പോള്‍ 6 വിക്കറ്റ് നഷ്ടത്തില്‍ വെറും 36 റണ്‍സാണ് ടീം നേടിയത്. കെ രാജീവ് ഏരീസിന് വേണ്ടി രണ്ട് വിക്കറ്റ് നേടി.