അസഭ്യമായ ഭാഷ ഉപയോഗിച്ചതിന് തമീം ഇക്ബാലിനെതിരെ പിഴ ചുമത്തി ഐസിസി. ശ്രീലങ്കയ്ക്കെതിരെ മൂന്നാം ഏകദിനത്തിൽ തന്റെ പുറത്താകൽ റിവ്യൂ ചെയ്ത് ശേഷം അനുകൂല വിധി ലഭിയ്ക്കാതിരുന്നപ്പോളാണ് താരം ഇപ്രകാരത്തിൽ അസഭ്യ പരാമർശം നടത്തിയത്. താരത്തിനെതിരെ 15 ശതമാനം മാച്ച് ഫീസും പിഴയായി ഈടാക്കിയിട്ടുണ്ട്. ഇതിന് പുറെ ഒരു ഡീ മെറിറ്റ് പോയിന്റും തമീമിനെതിരെ ചുമത്തി.
മത്സരത്തിൽ ബംഗ്ലാദേശിന്റെ ഇന്നിംഗ്സിലെ പത്താം ഓവറിലാണ് സംഭവം. ഐസിസി പെരുമാറ്റ ചട്ടത്തിലെ ലെവൽ 1 ആണ് താരം ലംഘിച്ചത്. 24 മാസ കാലയളവിൽ താരത്തിന്റെ ആദ്യത്തെ പെരുമാറ്റ ചട്ട ലംഘനം ആണ് ഇത്.
