തന്നെ കേന്ദ്ര കരാര് പട്ടികയിൽ ഉള്പ്പെടുത്തരുതെന്ന ആവശ്യവുമായി ബംഗ്ലാദേശ് ബോര്ഡിനെ സമീപിച്ച് സീനിയര് താരം തമീം ഇക്ബാൽ. തന്റെ അന്താരാഷ്ട്ര കരിയര് അവസാനിപ്പിക്കുന്നത് ആലോചിക്കുന്നുണ്ടെന്ന് മുമ്പ് തന്നെ വ്യക്തമാക്കിയ തമീം തന്റെ കരിയറിന്റെ അവസാന ഘട്ടത്തിലേക്ക് കടന്നിരിക്കുന്നു എന്നതിന്റെ സൂചന കൂടിയാണ് ഈ ആവശ്യം.
ബംഗ്ലാദേശ് ബോര്ഡിനോടുള്ള അഭിപ്രായ വ്യത്യാസം കാരണം തമീം ഇക്ബാൽ ലോകകപ്പിൽ നിന്ന് വിട്ട് നിന്നിരുന്നു. ബംഗ്ലാദേശിന്റെ ന്യൂസിലാണ്ട് പരമ്പരയിൽ നിന്നും താരം വിട്ട് നിന്നിരുന്നു. എന്നാൽ താരം ജനൂവരി 19ന് ആരംഭിയ്ക്കുന്ന ബംഗ്ലാദേശ് പ്രീമിയര് ലീഗിലൂടെ തിരികെ വരുമെന്നും പ്രഖ്യാപിച്ചിട്ടുണ്ട്.
താരം ഈ ആവശ്യം ബോര്ഡിനോട് ഉന്നയിച്ചിട്ടുണ്ടെന്ന് ബംഗ്ലാദേശ് ക്രിക്കറ്റ് ബോര്ഡ് ക്രിക്കറ്റ് ഓപ്പറേഷന്സ് ചെയര്മാന് ജലാല് യൂനുസ് ആണ് അറിയിച്ചത്. ഡിസംബര് 31ന് ആണ് ബംഗ്ലാദേശ് ബോര്ഡ് പുതിയ കരാര് പട്ടിക പുറത്ത് വിടുക.
