ശ്രീലങ്കയ്ക്കെതിരെ രണ്ടാം ടെസ്റ്റില്‍ ബംഗ്ലാദേശിന്റെ ഒന്നാം ഇന്നിംഗ്സ് മികച്ച രീതിയില്‍ പുരോഗമിക്കുന്നു. മൂന്നാം ദിവസത്തെ ആദ്യ സെഷന്‍ അവസാനിക്കുമ്പോള്‍ ബംഗ്ലാദേശ് 99/2 എന്ന നിലയില്‍ ആണ്. 70 റണ്‍സുമായി തമീം ഇക്ബാലാണ് ക്രീസിലുള്ളത്.
25 റണ്‍സ് നേടിയ സൈഫ് ഹസന്റെ വിക്കറ്റ് പുതുമുഖ താരം പ്രവീണ്‍ ജയവിക്രമയാണ് നേടിയത്. ശ്രീലങ്ക നേരത്തെ തങ്ങളുടെ ആദ്യ ഇന്നിംഗ്സ് 493/7 എന്ന നിലയില്‍ ഡിക്ലയര്‍ ചെയ്തിരുന്നു. ലഞ്ചിന് തൊട്ടുമുമ്പ് റണ്ണൊന്നുമെടുക്കാത്ത ഷാന്റോയുടെ വിക്കറ്റ് രമേശ് മെന്‍ഡിസ് വീഴ്ത്തുകയായിരുന്നു.
