തമിഴ്നാട് പ്രീമിയര്‍ ലീഗ് മൂന്നാം സീസണിലെ പത്താം മത്സരത്തില്‍ 47 റണ്‍സ് ജയം സ്വന്തമാക്കി കാരൈകുഡി കാളൈ. ചെപ്പോക്ക് സൂപ്പര്‍ ഗില്ലീസിനെതിരെ ആദ്യം ബാറ്റ് ചെയ്ത് 5 വിക്കറ്റ് നഷ്ടത്തില്‍ 193 റണ്‍സ് നേടിയ ടീം മറുപടി ബാറ്റിംഗിനിറങ്ങിയ ഗില്ലീസിനെ 146 റണ്‍സില്‍ ചെറുത്ത് നിര്‍ത്തി. 20 ഓവറില്‍ നിന്ന് 6 വിക്കറ്റ് നഷ്ടത്തിലാണ് ചെപ്പോക്ക് ഈ സ്കോര്‍ നേടിയത്.
ശ്രീകാന്ത് അനിരുദ്ധ(28 പന്തില്‍ 56), മാന്‍ ബാഫ്ന(31) എന്നിവരോടൊപ്പം ഷാജഹാനും(പുറത്താകാതെ 20 പന്തില്‍ 43) മികച്ച പ്രകടനം പുറത്തെടുത്തപ്പോളാണ് കാരൈകുഡി 193 എന്ന മികച്ച സ്കോറിലേക്ക് നീങ്ങിയത്. രണ്ട് വീതം വിക്കറ്റുമായി ഹരീഷ് കുമാര്‍, ബി അരുണ്‍ എന്നിവര്‍ക്കൊപ്പം അലക്സാണ്ടര്‍ ചെപ്പോക്കിനു വേണ്ടി ഒരു വിക്കറ്റ് നേടി.
മറുപടി ബാറ്റിംഗിനിറങ്ങയി ചെപ്പോക്ക് നിരയില്‍ 47 റണ്‍സ് നേടി ഗോപിനാഥ് മാത്രമാണ് പൊരുതി നോക്കിയത്. മുരുഗന്‍ അശ്വിന്‍ 33 റണ്‍സ് നേടി പുറത്താകാതെ നിന്നപ്പോള്‍ ഉതിര്‍സാമി ശശിദേവ് 23 റണ്‍സ് നേടി. യോ മഹേഷ്, മോഹന്‍ പ്രസാത്, രാജ് കുമാര്‍, വെളിഡി ലക്ഷമണ്‍, മാന്‍ ബാഫ്ന എന്നിവര്‍ കാളൈകള്‍ക്ക് വേണ്ടി വിക്കറ്റ് പട്ടികയില്‍ ഇടം പിടിച്ചു.
കൂടുതൽ കായിക വാർത്തകൾക്ക് : www.facebook.com/FanportOfficial
