ബംഗ്ലാദേശ് പ്രീമിയര്‍ ലീഗിന്റെ പുതിയ പതിപ്പില്‍ ഡേവിഡ് വാര്‍ണര്‍ കളിക്കും. ബിപിഎല്‍ ഫ്രാഞ്ചൈസിയായ സില്‍ഹെറ്റ് സിക്സേഴ്സ് ആണ് ജനുവരി അഞ്ചിനു ആരംഭിക്കുന്ന പുതിയ സീസണിലേക്ക് ഓസ്ട്രേലിയന്‍ താരത്തെ സ്വന്തമാക്കിയത്. നേപ്പാള്‍ സ്പിന്നര്‍ സന്ദീപ് ലാമിച്ചാനെയെയും ടീമിലെ രണ്ടാമത്തെ വിദേശ താരമായി ഡ്രാഫ്ടിനു പുറത്ത് നിന്ന് ടീം കരാറിലെത്തുകയായിരുന്നു.
ഒക്ടോബര്‍ 26നാണ് താരങ്ങളുടെ ഡ്രാഫ്ട് അരങ്ങേറാനിരിക്കുന്നത്. സൊഹൈല്‍ തന്‍വീര്‍, നാസിര്‍ ഹൊസൈന്‍, സബ്ബിര്‍ റഹ്മാന്‍ എന്നിവരെ നേരത്തെ സിക്സേഴ്സ് നിലനിര്‍ത്തിയിരുന്നു. ഇതിനു പുറമേ ലിറ്റണ്‍ ദാസിനെയും ടീം സ്വന്തമാക്കി.
