മുംബൈ സ്ക്വാഡിൽ നാല് താരങ്ങള്‍ക്ക് കോവിഡ്, മുഷ്താഖ് അലി സ്ക്വാഡിൽ നിന്ന് പിന്‍വലിച്ചു

മുംബൈ സ്ക്വാഡിലെ നാല് താരങ്ങള്‍ക്ക് കോവിഡ്. സയ്യദ് മുഷ്താഖ് അലി ട്രോഫിയ്ക്കായി പ്രഖ്യാപിച്ച സ്ക്വാഡിൽ നിന്ന് ഈ നാല് താരങ്ങളെ പിന്‍വലിച്ചു. മുംബൈ സ്ക്വാഡ് യാത്ര തിരിയ്ക്കുന്നതിന് മുമ്പുള്ള പരിശോധനയിലാണ് ഈ താരങ്ങളുടെ കോവിഡ് സ്ഥിരീകരിച്ചത്.

സര്‍ഫ്രാസ് ഖാന്‍, ഷംസ് മുലാനി, പ്രശാന്ത് സോളങ്കി, സായിരാജ് പാട്ടീൽ എന്നിവരാണ് കോവിഡ് ബാധിതരായത്. മുംബൈ എയര്‍പോട്ടിൽ വെച്ച് നടത്തിയ പരിശോധനയിലാണ് ഇവര്‍ക്ക് കോവിഡ് സ്ഥിരീകരിച്ചത്.

ഗുവഹാട്ടിയിലേക്ക് യാത്രയാകുന്നതിന് മുമ്പുള്ള പരിശോധനയിലാണ് കോവിഡ് കണ്ടെത്തിയത്. ഈ നാല് താരങ്ങളെയും വീട്ടിലേക്ക് മടക്കി ഐസൊലേഷനിൽ തുടരുവാന്‍ ആവശ്യപ്പെട്ടിട്ടുണ്ട്.

അജിങ്ക്യ രഹാനെ നയിക്കുന്ന ടീം എലൈറ്റ് ബി ഗ്രൂപ്പിലാണ് കളിക്കുന്നത്. കര്‍ണ്ണാടക, ബംഗാള്‍, ബറോഡ, ചത്തീസ്ഗഢ്, സര്‍വീസസ് എന്നിവരാണ് ഗ്രൂപ്പിലെ മറ്റു താരങ്ങള്‍.

Previous articleവെടിക്കെട്ട് പ്രകടനവുമായി ജേസൺ റോയ്, അനായാസം ഇംഗ്ലണ്ട്
Next articleടോസ് നമീബിയയ്ക്ക്, ഫീൽഡിംഗ് തിര‍ഞ്ഞെടുത്തു