ഫെബ്രുവരി 21നു ആരംഭിയ്ക്കുന്ന സയ്യദ് മുഷ്താഖ് അലി ടി20 ട്രോഫിയ്ക്കായുള്ള കേരള ടീമിനെ പ്രഖ്യാപിച്ചു. സച്ചിന്‍ ബേബിയാണ് ടീമിന്റെ നായകന്‍. 15 അംഗ സംഘത്തെയാണ് കേരളം പ്രഖ്യാപിച്ചത്. രഞ്ജി ട്രോഫിയില്‍ ക്വാര്‍ട്ടര്‍ ഫൈനല്‍ മത്സരത്തിനിടെ പരിക്കേറ്റ സഞ്ജു സാംസണെ ടീമില്‍ ഉള്‍പ്പെടുത്തിയിട്ടില്ല. ആന്ധ്രയിലാണ് മത്സരങ്ങള്‍ നടക്കുന്നത്. രഞ്ജിയില്‍ മികവാര്‍ന്ന പ്രകടനം പുറത്തെടുത്ത പേസര്‍മാരായ ബേസില്‍ തമ്പിയും സന്ദീപ് വാര്യര്‍ ടീമില്‍ ഇടം പിടിച്ചിട്ടുണ്ട്.
ഫെബ്രുവരി 10നു കേരള താരങ്ങള്‍ തലശ്ശേരിയില്‍ പ്രാരംഭ ക്യാംപിനായി എത്തും. ഫെബ്രുവരി 9നു അകം കണ്ണൂര്‍ ജില്ല അസോസ്സിയേഷനില്‍ താരങ്ങള്‍ റിപ്പോര്‍ട്ട് ചെയ്യേണ്ടതുണ്ട്.
കേരളം: സച്ചിന്‍ ബേബി, രോഹന്‍ പ്രേം, രാഹുല്‍ പി, മുഹമ്മദ് അസ്ഹറുദ്ദീന്‍, വിഷ്ണു വിനോദ്, ജലജ് സക്സേന, ബേസില്‍ തമ്പി, സന്ദീപ് വാര്യര്‍, നിധീഷ് എംഡി, ആസിഫ് കെഎം, അക്ഷയ് ചന്ദ്രന്‍, വീനൂപ് മനോഹരന്‍, മിഥുന്‍ എസ്, അരുണ്‍ കാര്‍ത്തിക്, മോനിഷ്
ഒഫീഷ്യലുകള്‍: ഡേവ് വാട്ട്മോര്‍(കോച്ച്), സജികുമാര്‍(മാനേജര്‍), സെബാസ്റ്റ്യന്‍ ആന്റണി(അസിസ്റ്റന്റ് കോച്ച്), മസ്ഹര്‍ മൊയ്ദു(അസിസ്റ്റന്റ് കോച്ച്), രാജേഷ് ചൗഹാന്‍(ട്രെയിനര്‍), ആദര്‍ശ്(ഫിസിയോതെറാപിസ്റ്റ്)
