ബാറ്റിങ്ങിൽ പിഴച്ചു, മികച്ച സ്കോർ കണ്ടെത്താനാവാതെ കേരളം

0
ബാറ്റിങ്ങിൽ പിഴച്ചു, മികച്ച സ്കോർ കണ്ടെത്താനാവാതെ കേരളം

സയ്ദ് മുഷ്‌താഖ്‌ ട്രോഫിയിൽ കേരളത്തെ ചെറിയ സ്‌കോറിൽ ഒതുക്കി ഉത്തർപ്രദേശ്. ഗ്രൂപ്പ് ഘട്ടത്തിൽ നടന്ന മത്സരത്തിൽ 20 ഓവറിൽ കേരളം 8 വിക്കറ്റ് നഷ്ടത്തിൽ വെറും 119 റൺസ് മാത്രമാണ് എടുത്തത്. കേരളത്തിന് വേണ്ടി 28 പന്തിൽ 38 റൺസ് എടുത്ത സഞ്ജു സാംസൺ മാത്രമാണ് മികച്ച ബാറ്റിംഗ് പുറത്തെടുത്തത്.

ഒരിക്കൽ കൂടി കേരളത്തിന് വേണ്ടി ഫോം കണ്ടെത്താൻ വിഷമിച്ച ക്യാപ്റ്റൻ ഉത്തപ്പ 2 റൺസിന് പുറത്താവുകയായിരുന്നു.  അവസാന ഓവറുകളിൽ സ്കോർ ഉയർത്താൻ മിഥുനും നിധീഷും ശ്രമിച്ചെങ്കിലും ഉത്തർപ്രദേശ് കേരളത്തിനെ 119ൽ ഒതുക്കുകയായിരുന്നു. കേരളത്തിന് വേണ്ടി അക്ഷയ് ചന്ദ്രൻ 18 റൺസും മിഥുൻ 8 പന്തിൽ 17 റൺസും ജലജ സക്‌സേന 14 റൺസുമെടുത്ത് പുറത്താവാതെ നിന്നു.