ബംഗ്ലാദേശിന്റെ അണ്ടര്‍ 19 കോച്ചായി സ്റ്റുവര്‍ട് ലോയെ നിയമിക്കും. നാല് വര്‍ഷത്തോളം ബംഗ്ലാദേശ് അണ്ടര്‍ 19 ടീമിന്റെ കോച്ചായി തുടര്‍ന്ന ശേഷം നവേദ് നെവാസ് ശ്രീലങ്കന്‍ ദേശീയ ടീമിന്റെ കോച്ചിംഗ് സംഘത്തിനൊപ്പം ചേരുവാന്‍ തീരുമാനിച്ചതിനെത്തുടര്‍ന്ന് വന്ന ഒഴിവിലേക്കാണ് ഇപ്പോള്‍ ലോയെ പരിഗണിക്കുന്നത്.
ബംഗ്ലാദേശ് ക്രിക്കറ്റ് ബോര്‍ഡിന്റെ ഗെയിം ഡെവലപ്മെന്റ് ചെയര്‍മാന്‍ ഖാലിദ് മഹമ്മുദ് ആണ് ഈ വിവരം അറിയിച്ചത്. രണ്ട് വര്‍ഷത്തേക്കാണ് കരാര്‍ കാലാവധി. മുമ്പ് ബംഗ്ലാദേശ് ദേശീയ ടീമിന്റെ കോച്ചായി സ്റ്റുവര്‍ട് ലോ പ്രവര്‍ത്തിച്ചിട്ടുണ്ട്. ഈ കാലഘട്ടത്തിലാണ് ബംഗ്ലാദേശ് തങ്ങളുടെ ആദ്യ ഏഷ്യ കപ്പ് ഫൈനലിന് യോഗ്യത നേടിയത്.
