ഇംഗ്ലണ്ട് ഫാസ്റ്റ് ബൗളർ സ്റ്റുവർട്ട് ബോർഡിന് 600 ടെസ്റ്റ് വിക്കറ്റുകൾ നേടാൻ കഴിയുമെന്ന് മുൻ ഇംഗ്ലണ്ട് ക്യാപ്റ്റൻ മൈക്കിൾ ആതർടൺ. ടെസ്റ്റിൽ 600 വിക്കറ്റ് നേടാനുള്ള കഴിവ് ഇപ്പോഴും സ്റ്റുവർട്ട് ബ്രോഡിന് ഉണ്ടെന്നും ആതർടൺ പറഞ്ഞു. ഒരു ചാമ്പ്യൻ താരത്തിന്റെ ലക്ഷണം അവരെ തോല്പിക്കുന്നത് അല്ലെന്നും പ്രതിസന്ധികൾ ഉണ്ടാവുമ്പോൾ തിരിച്ചു വരുന്നതിൽ ആണെന്നും ഈ പരമ്പരയിൽ ബ്രോഡ് അത് കാണിച്ചു താന്നെന്നും ആതർടൺ
നിലവിൽ സ്റ്റുവർട്ട് ബ്രോഡ് ടെസ്റ്റിൽ 499 വിക്കറ്റുകളാണ് 34കാരനായ ബ്രോഡ് വീഴ്ത്തിയത്. വെസ്റ്റിൻഡീസിനെതിരായ അവസാന ടെസ്റ്റിൽ ടെസ്റ്റിൽ ഒരു വിക്കറ്റ് കൂടി നേടിയാൽ 500 ടെസ്റ്റ് വിക്കറ്റുകൾ നേടുന്ന ഏഴാമത്തെ താരമാകും സ്റ്റുവർട്ട് ബ്രോഡ്.
വെസ്റ്റിൻഡീസിനെതിരായ ആദ്യ ടെസ്റ്റിൽ ബ്രോഡിന് അവസരം ലഭിച്ചില്ലെങ്കിലും ഇപ്പോൾ നടക്കുന്ന അവസാന ടെസ്റ്റിലും രണ്ടാം ടെസ്റ്റിലും ബ്രോഡ് മികച്ച പ്രകടനമാണ് പുറത്തെടുത്തത്. മൂന്നാം ടെസ്റ്റിൽ ആദ്യ ഇന്നിങ്സിൽ 6 വിക്കറ്റ് വീഴ്ത്തിയ ബ്രോഡ് രണ്ടാം ഇന്നിങ്സിൽ വെസ്റ്റിൻഡീസിന്റെ നഷ്ട്ടപെട്ട രണ്ട് വിക്കറ്റുകളും വീഴ്ത്തിയിരുന്നു.
