അവസാന ഏകദിനത്തിൽ സ്റ്റീവ് സ്മിത്ത് കളിക്കും

- Advertisement -

പരിശീലനത്തിനിടെ തലക്ക് പന്തുകൊണ്ട് പരിക്കേറ്റ സ്റ്റീവ് സ്മിത്ത് അവസാന ഏകദിനത്തിൽ കളിച്ചേക്കുമെന്ന സൂചന നൽകി പരിശീലകൻ ജസ്റ്റിൻ ലാങ്ങർ. നേരത്തെ പരിശീലനത്തിനിടെ തലക്ക് പന്ത് കൊണ്ട സ്റ്റീവ് സ്മിത്ത് ഇംഗ്ലണ്ടിനെതിരായ ആദ്യ രണ്ട് ഏകദിന മത്സരങ്ങളിലും കളിച്ചിരുന്നില്ല. ടീം സ്റ്റീവ് സ്മിത്തിന്റെ പരിക്കുമായി ബന്ധപ്പെട്ട കൺകഷൻ നിയമങ്ങൾ എല്ലാം പാലിച്ചിട്ടുണ്ടെന്നും നാളെ നടക്കുന്ന അവസാന ഏകദിന മത്സരത്തിന് താരം ഉണ്ടാവുമെന്നാണ് പ്രതീക്ഷയെന്നും ലാങ്ങർ പറഞ്ഞു.

സ്റ്റീവ് സ്മിത്ത് ഇന്ന് നെറ്റ്സിൽ പരിശീലനം നടത്തുമെന്നും നാളെ നടക്കുന്ന ഏകദിനത്തിൽ കളിക്കാൻ സാധ്യതയുണ്ടെന്നും ഓസ്‌ട്രേലിയൻ പരിശീലകൻ പറഞ്ഞു. നിലവിൽ മൂന്ന് മത്സരങ്ങളുടെ പരമ്പരയിൽ ഇരു ടീമുകളും ഓരോ മത്സരം വീതം ജയിച്ച് പരമ്പര 1-1ന് സമനിലയിലാണ്.

Advertisement