വെല്ലിംഗ്ടണ്‍ ടെസ്റ്റില്‍ ബംഗ്ലാദേശിന്റെ മുഷ്ഫിക്കുര്‍ റഹിം കളിക്കുന്നത് സംശയത്തിലാണെന്ന് പറഞ്ഞ് ബംഗ്ലാദേശ് മുഖ്യ കോച്ച് സ്റ്റീവ് റോഡ്സ്. ആദ്യ ടെസ്റ്റില്‍ താരം പരിക്ക് മൂലം കളിച്ചിരുന്നില്ല. ആ ടെസ്റ്റ് ബംഗ്ലാദേശ് പരാജയപ്പെടുകയും ചെയ്തു. എന്നാല്‍ താരം മൂന്നാം ടെസ്റ്റില്‍ കളിക്കുമെന്നാണ് ടീമിന്റെ പ്രതീക്ഷയെന്നും റോഡ്സ് കൂട്ടിച്ചേര്‍ത്തു. താരം വെല്ലിംഗ്ടണ്‍ ടെസ്റ്റിനു മുമ്പുള്ള പരിശീലന സെഷനുകളില്‍ പങ്കെടുത്തുവെങ്കിലും പരിക്ക് പൂര്‍ണ്ണമായും ഭേദമാകാത്തതിനാല്‍ കാത്തിരിക്കുവാനാണ് തീരുമാനമെന്നും റോഡ്സ് പറഞ്ഞു.
എന്നാല്‍ അല്പസ്വല്പം അസ്വസ്ഥകളുണ്ടെങ്കിലും തമീം ഇക്ബാല്‍ രണ്ടാം ടെസ്റ്റില്‍ കളിക്കുമെന്ന് റോഡ്സ് വ്യക്തമാക്കി. ആദ്യ ടെസ്റ്റില്‍ ശതകം ഉള്‍പ്പെടെ ഇരു ഇന്നിംഗ്സുകളിലായി 200ലധികം റണ്‍സ് നേടിയ താരമാണ് തമീം ഇക്ബാല്‍.
ഹാമിള്‍ട്ടണിലെ ആദ്യ ടെസ്റ്റില്‍ ഇന്നിംഗ്സിനും 52 റണ്‍സിനുമാണ് ബംഗ്ലാദേശ് തോല്‍വിയേറ്റു വാങ്ങിയത്. രണ്ടാം ഇന്നിംഗ്സില്‍ മഹമ്മദുള്ള-സൗമ്യ സര്‍ക്കാര്‍ കൂട്ടുകെട്ട് 235 റണ്‍സുമായി പൊരുതി നോക്കിയെങ്കിലും തമീം ഒഴികെയുള്ള മറ്റു താരങ്ങളില്‍ നിന്ന് വേണ്ടത്ര പിന്തുണ ലഭിയ്ക്കാതെ വന്നപ്പോള്‍ ടീം ഇന്നിംഗ്സ് തോല്‍വിയിലേക്ക് വീഴുകയായിരുന്നു.
