ഈ വര്‍ഷത്തെ കൗണ്ടി ചതുര്‍ദിന ടൂര്‍ണ്ണമെന്റായ ബോബ് വില്ലിസ് ട്രോഫിയിലേക്കുള്ള മിഡില്‍സെക്സ് ടീമിനെ സ്റ്റീഫന്‍ എസ്കിനാസി നയിക്കും. ടീം നേരത്തെ ഓസ്ട്രേലിയന്‍ താരം പീറ്റര്‍ ഹാന്‍ഡ്സ്കോമ്പിനെ ആയിരുന്നു ടീമിന്റെ ചതുര്‍ദിന-ഏകദിന ഫോര്‍മാറ്റ് ക്യാപ്റ്റനായി നിയമിച്ചതെങ്കിലും പിന്നീട് കൊറോണ മൂലമുള്ള സാമ്പത്തിക പ്രതിസന്ധി മൂലം ഹാന്‍ഡ്സ്കോമ്പിന്റെ കരാര്‍ റദ്ദാക്കുകയായിരുന്നു.
2019 സീസണില്‍ ദാവീദ് മലന്റെ ഉപ നായകനായി എക്സിനാസി പ്രവര്‍ത്തിച്ചിട്ടുണ്ട്. ടീമിന്റെ പുതിയ വൈസ് ക്യാപ്റ്റന്‍ ടോബി റോളണ്ട്-ജോണ്‍സ് ആയിരിക്കും. ഓഗസ്റ്റ് 1ന് ആണ് ബോബ് വില്ലിസ് ട്രോഫി ആരംഭിക്കുമെന്ന് പ്രതീക്ഷിക്കപ്പെടുന്നത്. പരമ്പരാഗതമായ കൗണ്ടി ചാമ്പ്യന്‍ഷിപ്പില്‍ മാറ്റം വരുത്തിയാവും ഇത്തവണത്തെ പ്രത്യേക സാഹചര്യത്തില്‍ ടൂര്‍ണ്ണമെന്റ് രൂപകല്പന ചെയ്തിരിക്കുന്നത്.
