ദക്ഷിണാഫ്രിക്കന്‍ ക്രിക്കറ്റ് ബോര്‍ഡുമായി കരാറിലെത്തി സ്റ്റാര്‍ സ്പോര്‍ട്സ്

Sports Correspondent

Download the Fanport app now!
Appstore Badge
Google Play Badge 1

ദക്ഷിണാഫ്രിക്കന്‍ ക്രിക്കറ്റ് ബോര്‍ഡുമായി സംപ്രേക്ഷണ കരാറിലെത്തി സ്റ്റാര്‍ ഇന്ത്യ. ദക്ഷിണാഫ്രിക്കയുടെ ഏഷ്യ, മിഡില്‍ – ഈസ്റ്റ്, നോര്‍ത്ത് ആഫ്രിക്കന്‍ പ്രദേശങ്ങളുടെ സംപ്രേക്ഷണമാണ് സ്റ്റാര്‍ സ്വന്തമാക്കിയിട്ടുള്ളത്. നേരത്തെ തന്നെ ഇന്ത്യ, ഐസിസിയുടെ ഗ്ലോബല്‍ ഇവന്റുകള്‍,ഐപിഎല്‍, ബംഗ്ലാദേശ് എന്നിവരുടെ സംപ്രേക്ഷണാവകാശവും സ്വന്തമാക്കിയിട്ടുള്ളത് സ്റ്റാര്‍ സ്പോര്‍ട്സ് ആണ്.

ദക്ഷിണാഫ്രിക്കയുമായി മൂന്ന് വര്‍ഷത്തെ കരാറാണ് സ്റ്റാര്‍ എത്തിയിരിക്കുന്നത്. ടീമിന്റെ വരാനിരിക്കുന്ന ഇംഗ്ലണ്ടുമായുള്ള പരമ്പര സംപ്രേക്ഷണം ചെയ്താവും കരാര്‍ ആരംഭിക്കുന്നത്. നവംബര്‍ 27നാണ് പരമ്പര ആരംഭിക്കുന്നത്.

2023-2024 സീസണിന്റെ അവസാനം വരെയാണ് കരാറിന്റെ കാലാവധി. ഇതില്‍ ഇന്ത്യ, ഓസ്ട്രേലിയ, ഇംഗ്ലണ്ട് പരമ്പരകളും ഉള്‍പ്പെടുന്നു. ഇത് കൂടാതെ വനിത ക്രിക്കറ്റിന്റെയും പ്രാദേശിക ഫ്രാഞ്ചൈസി ക്രിക്കറ്റിന്റെയും കരാര്‍ സ്റ്റാര്‍ സ്വന്തമാക്കിയിട്ടുണ്ട്.