പാക്കിസ്ഥാനിലെയും ശ്രീലങ്കയിലെയും ബോര്‍ഡുകള്‍ തമ്മിലുള്ള കരാര്‍ പ്രകാരം ശ്രീലങ്ക പരിമിത ഓവര്‍ ക്രിക്കറ്റ് കളിക്കുന്നതിനായി പാക്കിസ്ഥാനിലേക്ക് എത്തും. മൂന്ന് ഏകദിനങ്ങളും മൂന്ന് ടി20 മത്സരങ്ങളുമാണ് പാക്കിസ്ഥാനും ലങ്കയും കളിക്കുക. കറാച്ചിയില്‍ ഏകദിന പരമ്പരകളും ലാഹോറില്‍ ടി20 പരമ്പരയും നടക്കും. സെപ്റ്റംബര്‍ 27 മുതല്‍ ഒക്ടോബര്‍ 9 വരെയാണ് മത്സരങ്ങള്‍ നടക്കുക.
നേരത്തെ ഒക്ടോബറില്‍ നടക്കേണ്ടിയിരുന്നു ടെസ്റ്റ് ചാമ്പ്യന്‍ഷിപ്പിന്റെ ഭാഗമായുള്ള പരമ്പര ഇനി ഡിസംബറിലാവും നടക്കുക. ഇരു രാജ്യങ്ങളുടെയും ബോര്‍ഡ് തലവന്മാര്‍ ഫോണിലൂടെയാണ് പരമ്പരയിലെ മാറ്റങ്ങള്‍ ചര്‍ച്ച ചെയ്തതെന്നാണ് പത്രക്കുറിപ്പിലൂടെ പിസിബി അറിയിച്ചത്.
