ബംഗ്ലാദേശ് ടി20 ടീമിന്റെ ടെക്നിക്കൽ കൺസള്‍ട്ടന്റായി ശ്രീധരന്‍ ശ്രീറാമിനെ നിയമിച്ച് ബംഗ്ലാദേശ് ബോര്‍ഡ്. ടി20 ലോകകപ്പ് വരെയാണ് ഈ നിയമനം. ഓസ്ട്രേലിയന്‍ ടീമിനൊപ്പം 2016 മുതൽ പ്രവര്‍ത്തിച്ച വ്യക്തിയാണ് ശ്രീധരന്‍ ശ്രീറാം. ഐപിഎലില്‍ റോയൽ ചലഞ്ചേഴ്സ് ബാംഗ്ലൂരിന്റെ കോച്ചിംഗ് സ്റ്റാഫിലും ഇദ്ദേഹം അംഗമായിരുന്നു.
25 വര്‍ഷത്തെ ക്രിക്കറ്റിംഗ് പരിചയവും 9 വര്‍ഷത്തെ എലൈറ്റ് ലെവൽ കോച്ചിംഗ് പരിചയവും ആണ് താന്‍ കൊണ്ട് വരുന്നതെന്നും ബംഗ്ലാദേശ് താരങ്ങള്‍ക്കൊപ്പം പ്രവര്‍ത്തിക്കുവാന്‍ താന്‍ ഉറ്റുനോക്കുകയാണെന്നും ശ്രീറാം വ്യക്തമാക്കി. ശ്രീറാം പുതിയ റോള്‍ ഏറ്റെടുക്കുവാന്‍ രണ്ട് ദിവസത്തിനുള്ളിൽ ധാക്കയിലെത്തുമെെന്നാണ് അറിയുന്നത്.
Story Highlights; Sridharan Sriram appointed as Bangladesh technical consultant.
