വിരാട് കോഹ്‌ലിക്ക് കീഴിൽ താൻ കളിച്ചിരുന്നെങ്കിൽ ഇന്ത്യ ഒരു ലോകകപ്പ് കൂടി നേടുമായിരുന്നു: ശ്രീശാന്ത്

മുൻ ഇന്ത്യൻ ക്യാപ്റ്റൻ വിരാട് കോഹ്‌ലിക്ക് കീഴിൽ താൻ കളിച്ചിരുന്നെങ്കിൽ ഇന്ത്യക്ക് ഒരു ലോകകപ്പ് കൂടി നേടിക്കൊടുക്കാൻ കഴിയുമായിരുന്നെന്ന് മുൻ ഇന്ത്യൻ താരം ശ്രീശാന്ത്. താൻ ക്രിക്കറ്റിലേക്ക് ഉയർത്തിക്കൊണ്ടുവന്ന സഞ്ജു സാംസണും സച്ചിൻ ബേബിയും മികച്ച പ്രകടനമാണ് ഇപ്പോൾ പുറത്തെടുക്കുന്നതെന്നും ശ്രീശാന്ത് പറഞ്ഞു.

2011ൽ ഏകദിന ലോകകപ്പ് കിരീടം നേടിയപ്പോൾ സച്ചിനൊപ്പം നിന്നതും സച്ചിൻ ടെണ്ടുൽക്കറിന് വേണ്ടിയാണ് ലോകകപ്പ് നേടിയതെന്ന് പറഞ്ഞ കാര്യവും ശ്രീശാന്ത് ഓർമിച്ചു. വിരാട് കോഹ്‌ലിയുടെ കീഴിൽ ഇന്ത്യ 2019ലെ ഏകദിന ലോകകപ്പിലും 2021ലെ ടി20 ലോകകപ്പിലുമാണ് ഇന്ത്യ കളിച്ചത്. എന്നാൽ 2019 ഏകദിന ലോകകപ്പിൽ സെമി ഫൈനലിൽ ന്യൂസിലാൻഡിനോട് തോറ്റ് പുറത്തായ ഇന്ത്യ 2021ലെ ടി20 ലോകകപ്പിൽ ഗ്രൂപ്പ് സ്റ്റേജിൽ തന്നെ പുറത്തായിരുന്നു.