ലോകത്ത് എവിടെയും ക്രിക്കറ്റ് കളിക്കാൻ താൻ തയ്യാർ : ശ്രീശാന്ത്

Staff Reporter

Download the Fanport app now!
Appstore Badge
Google Play Badge 1

ലോകത്ത് എവിടെയും ക്രിക്കറ്റ് കളിക്കാൻ താൻ തയ്യാറാണെന്ന് ഫാസ്റ്റ് ബൗളർ ശ്രീശാന്ത്. ഇന്ത്യൻ പ്രീമിയർ ലീഗിൽ വാതുവെപ്പ് നടത്തിയതിന്റെ പേരിൽ ബി.സി.സി.ഐ താരത്തിന് ഏർപ്പെടുത്തിയ 7 വർഷത്തെ വിലക്ക് അവസാനിച്ചതിന് ശേഷം സംസാരിക്കുകയായിരുന്നു ശ്രീശാന്ത്. 2013ലാണ് ബി.സി.സി.ഐ ശ്രീശാന്തിനെ വിലക്കിയത്. അന്ന് ബി.സി.സി.ഐ ശ്രീശാന്തിനെ ആജീവനാന്തം വിലക്കിയെങ്കിലും തുടർന്ന് കോടതി ഇടപെട്ട് വിലക്ക് 7 വർഷമായി കുറക്കുകയായിരുന്നു.

ഓസ്ട്രേലിയ, ന്യൂസിലാൻഡ്, ശ്രീലങ്ക എന്നിവിടങ്ങളിലെ ഏജന്റുമാരുമായി താൻ സംസാരിക്കുന്നുണ്ടെന്നും ഈ രാജ്യങ്ങളിലെ ക്ലബ് ക്രിക്കറ്റിൽ കളിക്കാൻ തനിക്ക് താല്പര്യം ഉണ്ടെന്നും ശ്രീശാന്ത് പറഞ്ഞു. 2023 ലോകകപ്പിൽ ഇന്ത്യയെ പ്രതിനിധികരിക്കുകയാണ് തന്റെ ലക്ഷ്യമെന്നും കൂടാതെ ലോർഡ്‌സിൽ റസ്റ്റ് ഓഫ് ദി വേൾഡ് – എം.സി.സി മത്സരത്തിൽ കളിക്കണമെന്ന് ആഗ്രഹമുണ്ടെന്നും ശ്രീശാന്ത് പറഞ്ഞു.

2007ലെ ടി20 ലോകകപ്പും 2011ലെ ഏകദിന ലോകകപ്പും നേടിയ ഇന്ത്യൻ ടീമിലെ അംഗമായിരുന്നു ശ്രീശാന്ത്. ഇന്ത്യക്ക് വേണ്ടി 27 റെസുകളും 53 ഏകദിനങ്ങളും 10ടി20 മത്സരങ്ങളും ശ്രീശാന്ത് കളിച്ചിട്ടുണ്ട്.