ജോഹാന്നസ്ബര്ഗില് പാക്കിസ്ഥാനെതിരെ 107 റണ്സ് വിജയം നേടുക വഴി ടെസ്റ്റ് പരമ്പര 3-0നു തൂത്തുവാരി ദക്ഷിണാഫ്രിക്ക. പാക്കിസ്ഥാന്റെ രണ്ടാം ഇന്നിംഗ്സ് 273 റണ്സിനു അവസാനിപ്പിച്ചാണ് ടീമിന്റെ ഈ വിജയം. 153/3 എന്ന നിലയില് ബാറ്റിംഗ് പുനരാരംഭിച്ച പാക്കിസ്ഥാന് 120 റണ്സ് കൂടി നേടുന്നതിനിടയില് ഓള്ഔട്ട് ആവുകയായിരുന്നു.
65 റണ്സ് നേടിയ അസാദ് ഷഫീക്ക് ടോപ് സ്കോറര് ആയപ്പോള് 47 റണ്സുമായി ഷദബ് ഖാന് പുറത്താകാതെ നിന്നു. ഹസന് അലി 22 റണ്സും ബാബര് അസം 21 റണ്സും നേടി. 65.4 ഓവറിലാണ് പാക്കിസ്ഥാന് ഓള്ഔട്ട് ആയത്. ഡുവാനെ ഒളിവിയര്, കാഗിസോ റബാഡ എന്നിവര് മൂന്നും ഡെയില് സ്റ്റെയിന് രണ്ടും വിക്കറ്റാണ് ആതിഥേയര്ക്കായി നേടിയത്.
ക്വിന്റണ് ഡി കോക്ക് കളിയിലെ താരവും ഡുവാനെ ഒളിവിയര് പരമ്പരയിലെ താരമായും തിരഞ്ഞെടുക്കപ്പെട്ടു.
