ദക്ഷിണാഫ്രിക്കയ്ക്കെതിരെ രണ്ടാം ടെസ്റ്റില്‍ ശ്രീലങ്കന്‍ ബൗളര്‍മാരുടെ മിന്നും പ്രകടനം. ഒന്നാം ദിവസം ഉച്ചഭക്ഷണത്തിനായി ടീമുകള്‍ പിരിയുമ്പോള്‍ ലങ്കയ്ക്കെതിരെ ബാറ്റിംഗ് തിരഞ്ഞെടുത്ത ദക്ഷിണാഫ്രിക്ക 73/4 എന്ന നിലയിലാണ്. ഫാഫ് ഡു പ്ലെസിയെ(25) ക്യാപ്റ്റന്‍ ദിമുത് കരുണാരത്നേ പുറത്താക്കിയതോടെ ഒന്നാം ദിവസം ലഞ്ചിനു പിരിയുവാന്‍ ടീമുകള്‍ തീരുമാനിക്കുകയായിരുന്നു. 37 റണ്‍സ് നേടിയ എയ്ഡന്‍ മാര്‍ക്രം ആണ് ക്രീസില്‍ നില്‍ക്കുന്നത്.
ഒരു ഘട്ടത്തില്‍ 24/3 എന്ന നിലയിലേക്ക് വീണ ദക്ഷിണാഫ്രിക്കയെ ഫാഫ് – മാര്‍ക്രം കൂട്ടുകെട്ട് 49 റണ്‍സ് നേടി കരകയറ്റുമെന്ന് തോന്നിപ്പിച്ച നിമിഷത്തിലാണ് ലങ്കന്‍ നായകന്‍ പന്ത് സ്വയം കൈയ്യിലേന്തിയത്.
ഹാഷിം അംലയും ടെംബ ബാവുമയും പൂജ്യത്തിനു പുറത്തായപ്പോള്‍ ഡീന്‍ എല്‍ഗാറിനു നേടാനായത് ആറ് റണ്‍സാണ്. വിശ്വ ഫെര്‍ണാണ്ടോ രണ്ട് വിക്കറ്റ് നേടിയപ്പോള്‍ ബാവുമ റണ്ണൗട്ടാകുകയായിരുന്നു.
