ഏറ്റവും പുതിയ ടെസ്റ്റ് റാങ്കിംഗില്‍ രണ്ടാം സ്ഥാനത്തേക്കുയര്‍ന്ന് ദക്ഷിണാഫ്രിക്ക. 116 റേറ്റിംഗ് പോയിന്റുള്ള ഇന്ത്യയ്ക്ക് പിന്നിലായാണ് ദക്ഷിണാഫ്രിക്ക 110 റേറ്റിംഗ് പോയിന്റോടെ നിലകൊള്ളുന്നത്. പാക്കിസ്ഥാനെതിരെ ടെസ്റ്റ് പരമ്പര 3-0നു ജയിച്ചതോടെ ഇംഗ്ലണ്ടിനെയും ന്യൂസിലാണ്ടിനെയും പിന്തള്ളിയാണ് ദക്ഷിണാഫ്രിക്ക രണ്ടാം സ്ഥാനത്തേക്ക് കുതിച്ചത്.
മൂന്നാം സ്ഥാനത്തുള്ള ഇംഗ്ലണ്ടിനു 108 റേറ്റിംഗ് പോയിന്റും നാലാമതുള്ള ന്യൂസിലാണ്ടിനു 107 റേറ്റിംഗ് പോയിന്റുമാണുള്ളത്. അതേ സമയം പാക്കിസ്ഥാന്‍ ഏഴാം സ്ഥഥാനത്തേക്ക് പിന്തള്ളപ്പെട്ടു. ശ്രീലങ്കയാണ് പാക്കിസ്ഥാനു മുന്നിലുള്ളത്. 91 റേറ്റിംഗ് പോയിന്റുള്ള ശ്രീലങ്ക ഇന്ത്യയോട് ടെസ്റ്റ് പരമ്പര 2-1നു അടിയറവു പറഞ്ഞ ഓസ്ട്രേലിയയ്ക്ക്(101 റേറ്റിംഗ് പോയിന്റ്) പിന്നിലാണ്.
