ഏകദിനത്തിൽ ഇന്ത്യയുടെ ഓപ്പണറായ രോഹിത് ശർമയെ ടെസ്റ്റിലും ഓപ്പണറാക്കണമെന്ന് വീണ്ടും ആവശ്യപ്പെട്ട് മുൻ ഇന്ത്യൻ ക്യാപ്റ്റൻ സൗരവ് ഗാംഗുലി. വെസ്റ്റിൻഡീസ് പര്യടനത്തിന് മുൻപും രോഹിത് ശർമയെ ഓപ്പണറാക്കണമെന്ന് ഗാംഗുലി ആവശ്യപ്പെട്ടിരുന്നു. വെസ്റ്റിൻഡീസ് പരമ്പരയ്ക്കുള്ള ടെസ്റ്റ് ടീമിൽ രോഹിത് ശർമക്ക് അവസരം ലഭിച്ചിരുന്നെങ്കിലും രണ്ട് ടെസ്റ്റിലും രോഹിത് ശർമ കളിച്ചിരുന്നില്ല.
“താൻ ഇതിന് മുൻപും രോഹിതിനെ ഓപ്പണറാക്കണമെന്ന് ആവശ്യപ്പെട്ടിരുന്നു. രോഹിത് മികച്ച താരമാണെന്നും അത് കൊണ്ട് തന്നെ രോഹിത്തിന് അവസരങ്ങൾ നൽകണം. ലോകകപ്പിലെ മികച്ച പ്രകടനത്തിന് ശേഷം രോഹിത് ടെസ്റ്റിൽ ഒരു അവസരം ലഭിക്കാനായി കാത്തിരിക്കുകയാണ്. അജിങ്കെ രഹാനെയും ഹനുമ വിഹാരിയും മികച്ച ഫോമിൽ എത്തിയതോടെ രോഹിത്തിന് മധ്യ നിരയിൽ അവസരം ഉണ്ടാവില്ല” ഗാംഗുലി പറഞ്ഞു.
അതെ സമയം വെസ്റ്റിൻഡീസിൽ ഇന്ത്യക്ക് പരമ്പര ലഭിച്ചെങ്കിലും ഇന്ത്യൻ ഓപ്പണർമാർ മികച്ച പ്രകടനം പുറത്തെടുത്തിരുന്നില്ല. മായങ്ക് അഗ്വാർവാൾ മികച്ചു നിൽക്കുന്നുണ്ടെന്നും കൂടുതൽ അവസരങ്ങൾ താരത്തിന് നൽകണമെന്ന് പറഞ്ഞ ഗാംഗുലി കെ.എൽ രാഹുലിന്റെ മോശം ഫോമിനെ പറ്റിയും പരാമർശിച്ചു.
