ദി ഹണ്ടറിന്റെ മൂന്നാം സീസണിലേക്ക് നിലനിർത്തപ്പെട്ട ഏക ഇന്ത്യൻ താരമായി സ്മൃതി മന്ദാന. ഇന്ത്യക്ക് ആയി ഇപ്പോൾ ലോകകപ്പിൽ കളിക്കുന്ന സ്മൃതി മന്ദാന സതേൺ ബ്രേവിനെ തന്നെ ദി ഹണ്ട്രഡിൽ പ്രതിനിധീകരിക്കും. ഫെബ്രുവരി 16 വ്യാഴാഴ്ച ആയിരുന്നു നിലനിർത്തുന്ന താരങ്ങളുടെ ലിസ്റ്റ് പ്രഖ്യാപിക്കേണ്ട അവസാന തീയതി.
മന്ദാനയെ കൂടാതെ, എല്ലിസ് പെറി, ഗ്ലെൻ മാക്സ്വെൽ, അലീസ ഹീലി, റാഷിദ് ഖാൻ, നാറ്റ് സ്കൈവർ-ബ്രണ്ട് എന്നിവരുൾപ്പെടെ നിരവധി സ്റ്റാർ കളിക്കാരെയും അവരവരുടെ ടീമുകൾ നിലനിർത്തിയിട്ടുണ്ട്. പുരുഷന്മാരുടെയും സ്ത്രീകളുടെയും വിഭാഗത്തിൽ ആകെ 113 കളിക്കാരെ ടീമുകൾ നിലനിർത്തി, ഹൺഡ്രഡ് ഡ്രാഫ്റ്റിലൂടെയും ഓപ്പൺ മാർക്കറ്റ് പ്രക്രിയയിലൂടെയും ശേഷിക്കുന്ന 135 സ്ഥാനങ്ങൾ ടീമുകൾ നികത്തും. മാർച്ച് 23ന് ആകും ഡ്രാഫ്റ്റ് നടക്കുക.
