രോഹിതിന് ഒപ്പം എത്തിയും രോഹിതിനെ മറികടന്നും സൂര്യകുമാർ

ഇന്ന് ന്യൂസിലൻഡിന് എതിരെ നേടിയ സെഞ്ച്വറിയോടെ ഇന്ത്യയുടെ രണ്ട് ടി20 റെക്കോർഡുകളിൽ സൂര്യകുമാറിന്റെ പേർ എഴുതി ചേർത്തു.

2018-ൽ രോഹിത് ശർമ്മയ്ക്ക് ശേഷം ഒരു കലണ്ടർ വർഷത്തിൽ ടി20 ഐ ക്രിക്കറ്റിൽ 2 സെഞ്ചുറികൾ നേടുന്ന രണ്ടാമത്തെ ഇന്ത്യൻ ബാറ്ററായി സൂര്യകുമാർ യാദവ് ഈ സെഞ്ച്വറിയോടെ മാറി. ഈ വർഷം ആദ്യം ഇംഗ്ലണ്ടിനെതിരായും ടി20 ഐ ക്രിക്കറ്റിൽ സൂര്യകുമാർ സെഞ്ച്വറി നേടിയിരുന്നു. ഈ റെക്കോർഡിൽ രോഹിതിന് ഒപ്പം എത്തിയപ്പോൾ മറ്റൊരു റെക്കോർഡ് സ്കൈ തന്റെ പേരിൽ മാത്രം ആക്കുകയും ചെയ്തു.

Picsart 22 11 20 14 11 23 622

ടി20യിൽ ന്യൂസിലൻഡിൽ ഒരു ഇന്ത്യൻ താരത്തിന്റെ ടോപ് സ്കോർ ആണ് സ്കൈ ഇന്ന് കുറിച്ചത്‌. 2020 ജനുവരിയിൽ രോഹിത് ശർമ്മ നേടിയ 65 റൺസ് എന്ന സ്കോർ ആണ് സ്കൈ മറികടന്നത്.

ഇന്ന് സ്കൈ 51 പന്തിൽ 111 റൺസുമായി പുറത്താകാതെ നിന്നു. 7 സിക്‌സറുകളും 11 ബൗണ്ടറികളും താരം പറത്തി.

2020 ജനുവരി മുതൽ രോഹിത് ശർമ്മയുടെ 65 റൺസ് എന്ന നേട്ടം മറികടന്ന്, ടി20യിൽ ന്യൂസിലൻഡിൽ ഒരു ഇന്ത്യക്കാരന്റെ ഏറ്റവും ഉയർന്ന സ്‌കോറും സൂര്യകുമാർ രേഖപ്പെടുത്തി.