ശ്രേയസ്സ് അയ്യര്‍ പരിക്ക് മാറിയെത്തിയാല്‍ ശ്രീലങ്കയില്‍ ഇന്ത്യയെ നയിക്കും

ശ്രീലങ്കയില്‍ ഇന്ത്യയെ പരിമിത ഓവര്‍ ക്രിക്കറ്റ് പരമ്പരയില്‍ നയിക്കുവാന്‍ ഏറ്റവും അധികം സാധ്യത ശ്രേയസ്സ് അയ്യര്‍ക്ക്. എന്നാല്‍ താരത്തിന് ഇംഗ്ലണ്ട് പരമ്പരയ്ക്കിടെയേറ്റ പരിക്ക് മാറി എത്തുവാനാകുമോ എന്നതില്‍ വ്യക്തതയില്ലാത്തതിനാല്‍ തന്നെ ഇതില്‍ ഒരു അന്തിമ തീരുമാനത്തിലേക്ക് ബിസിസിഐ എത്തിയിട്ടില്ല.

ലഭിയ്ക്കുന്ന വിവരം പ്രകാരം ശ്രേയസ്സ് അയ്യര്‍ വീണ്ടും കളിക്കളത്തിലേക്ക് മടങ്ങുവാന്‍ പറ്റുന്നില്ലെങ്കില്‍ ഇന്ത്യ ശിഖര്‍ ധവാനോ ഹാര്‍ദ്ദിക് പാണ്ഡ്യയ്ക്കോ ഈ ദൗത്യം നല്‍കുമെന്നാണ് അറിയുന്നത്.