ശ്രേയസ് അയ്യർക്ക് എതിരെ ഉയരുന്ന വിമർശനങ്ങൾ അവസാനിപ്പിക്കേണ്ട സമയം ആയി എന്ന് മുൻ ഇന്ത്യൻ താരം മുഹമ്മദ് കൈഫ്. ഇന്ത്യക്ക് വേണ്ടി കഴിഞ്ഞ ദിവസം നിർണായ സെഞ്ച്വറി നേടിയ ശ്രേയസ് അയ്യരെ പ്രശംസിക്കുക ആയിരുന്നു കൈഫ്. ലോകം ശ്രേയസിന്റെ ബലഹീനതകൾ ചൂണ്ടിക്കാണിക്കുന്നത് അവസാനിപ്പിച്ച് അദ്ദേഹത്തിന്റെ ശക്തികളെ പ്രശംസിക്കാൻ തുടങ്ങേണ്ട സമയമാണിതെന്ന് കൈഫ് പറഞ്ഞു.
“ശ്രേയസ് അയ്യർ ഈയിടെ ആയി മികച്ച പ്രകടനം ആണ് നടത്തി, അത് അഭിനന്ദിക്കപ്പെടേണ്ടതാണ്.” കൈഫ് പറഞ്ഞു. “ലോകം അവന്റെ ദൗർബല്യത്തെക്കുറിച്ച് സംസാരിക്കുന്നത് നിർത്തി അവന്റെ കരുത്തിനെ കുറിച്ച് സംസാരിക്കേണ്ട സമയം ആയി” കൈഫ് എക്‌സിൽ കുറിച്ചു. ശ്രേയസ് അയ്യർ ഏറെ കാലമായി അദ്ദേഹം ബൗൺസറുകളിൽ പരാജയപ്പെടുന്നു എന്ന വിമർശനം കേൾക്കുന്നുണ്ട്. ആ വിമർശനങ്ങൾക്കെതിരെയാണ് കൈഫ് സംസാരിച്ചത്.
