ഷോണ്‍ അബോട്ട് സറേയിലേക്ക് എത്തുന്നു

സറേയുടെ രണ്ടാമത്തെ വിദേശ താരമായി ഷോണ്‍ അബോട്ട് എത്തുന്നു. നിലവിലെ കൗണ്ടി ചാമ്പ്യന്‍മാരാണ് സറേ. ഓസ്ട്രേലിയയുടെ 29 വയസ്സുകാരന്‍ താരം ടീമിലെ രണ്ടാമത്തെ വിദേശ താരമാണ്. ദക്ഷിണാഫ്രിക്കയുടെ ഹഷിം അംല ആണ് മറ്റൊരു വിദേശ താരം.

വെസ്റ്റിന്‍ഡീസിന്റെ കെമര്‍ റോച്ച് ആദ്യ ഏഴ് കൗണ്ടി ചാമ്പ്യന്‍ഷിപ്പിന് ശേഷം മടങ്ങുമ്പോള്‍ മൂന്ന് കൗണ്ടി ചാമ്പ്യന്‍ഷിപ്പിന് വേണ്ടിയാണ് ഷോണ്‍ അബോട്ട് ടീമിലെത്തുന്നത്. താരം ടി20 ബ്ലാസ്റ്റില്‍ മുഴുവനും ടീമിനൊപ്പം ഉണ്ടാകും.