ത്രിരാഷ്ട്ര പരമ്പരയില് ആദ്യ ജയം സ്വന്തമാക്കി സ്കോട്ലാന്ഡ്
മാത്യൂ ക്രോസിന്റെ 107* ന്റെ ബലത്തില് സ്കോട്ലാന്ഡിനു ത്രിരാഷ്ട്ര പരമ്പരയിലെ ആദ്യ ജയം. മറുവശത്ത് അയര്ലണ്ട് നാല് ജയത്തോടെ ടൂര്ണ്ണമെന്റില് ഏറ്റവും അധികം ജയവുമായി മുന്നിട്ട് നില്ക്കുകയാണ്. ഇന്നലെ നടന്ന മത്സരത്തില് യുഎഇയ്ക്കെതിരെ 31 റണ്സ് ജയമാണ് സ്കോട്ലാന്ഡ് സ്വന്തമാക്കിയത്. ആദ്യം ബാറ്റ് ചെയ്ത സ്കോട്ലാന്ഡ് 50 ഓവറില് 249/8 എന്ന സ്കോര് നേടിയപ്പോള് യുഎഇ 46.3 ഓവറില് 218 റണ്സിനു ഓള്ഔട്ട് ആയി.
മാത്യൂ ക്രോസ്(107*), ജോര്ജ്ജ് മുന്സി(45) എന്നിവരാണ് സ്കോട്ലാന്ഡ് ബാറ്റിംഗില് തിളങ്ങിയത്. യുഎഇയ്ക്കായി ഷൈമന് അന്വര് 3 വിക്കറ്റ് നേടി. ഗുലാം ഷബീര് 90 റണ്സുമായി യുഎഇ ബാറ്റിംഗ് നയിച്ചപ്പോള് സ്കോട്ലാന്ഡിനായി മാര്ക്ക് വാട്ട് 2 വിക്കറ്റ് വീഴ്ത്തി ബൗളിംഗില് തിളങ്ങി.
യുഎഇ യാണ് ടൂര്ണ്ണമെന്റില് ഇതുവരെ ജയമൊന്നും നേടാനാകാതെ നില്ക്കുന്നത്.
കൂടുതൽ കായിക വാർത്തകൾക്ക് : www.facebook.com/FanportOfficial
