സൗരാഷ്ട്രയ്ക്കെതിരെ ഇറാനി കപ്പിൽ മികച്ച ലീഡ് നേടി റെസ്റ്റ് ഓഫ് ഇന്ത്യ. ഇന്ന് ഒന്നാം ദിവസം കളി നിര്‍ത്തുമ്പോള്‍ സര്‍ഫ്രാസ് ഖാന്‍ നേടിയ 125 റൺസിന്റെ ബലത്തിൽ റെസ്റ്റ് ഓഫ് ഇന്ത്യ 205/3 എന്ന നിലയിലാണ്. സര്‍ഫ്രാസിനൊപ്പം 62 റൺസുമായി ഹനുമ വിഹാരിയും ക്രീസിലുണ്ട്. 107 റൺസിന്റെ ലീഡാണ് ടീമിന്റെ കൈവശമുള്ളത്.
18/3 എന്ന നിലയിലേക്ക് ടീം തകര്‍ന്ന ശേഷം 187 റൺസാണ് സര്‍ഫ്രാസും വിഹാരിയും ചേര്‍ന്ന് നാലാം വിക്കറ്റിൽ നേടിയത്. സൗരാഷ്ട്രയ്ക്ക് വേണ്ടി ജയ്ദേവ് ഉനഡ്കട് രണ്ട് വിക്കറ്റും ചേതന്‍ സക്കറിയ ഒരു വിക്കറ്റും നേടി.
