മാച്ച് ഫീ മുഴുവൻ ഗ്രൗണ്ട് സ്റ്റാഫിന് നൽകി സഞ്ജു സാംസൺ

- Advertisement -

സൗത്ത് ആഫ്രിക്കക്കെതിരായ ഇന്ത്യ എയുടെ മത്സരത്തിന് ലഭിച്ച മാച്ച് ഫീ തിരുവന്തപുരം ഗ്രീൻഫീൽഡ് സ്റ്റേഡിയത്തിലെ ഗ്രൗൻഡ്സ്മാൻമാർക്ക് നൽകി മലയാളി താരം സഞ്ജു സാംസൺ. സൗത്ത് ആഫ്രിക്ക എ ടീമിനെതിരെ അഞ്ച് ഏകദിന മത്സരങ്ങളാണ് ഇന്ത്യ എ ടീം കളിച്ചത്.

പരമ്പരയിൽ രണ്ട് മത്സരങ്ങൾ കളിച്ച സാംസൺ അതിന്റെ ഫീ ആയി ലഭിച്ച ഒന്നര ലക്ഷം രൂപയാണ് ഗ്രൗണ്ട് സ്റ്റാഫിന് നൽകിയത്. മഴ മൂലം പല മത്സരങ്ങളും പൂർണമായി പൂർത്തിയാക്കാൻ കഴിഞ്ഞിരുന്നില്ല. ഗ്രൗണ്ട് സ്റ്റാഫിന്റെ ഇടപെടലാണ് പല മത്സരങ്ങളും നടത്താൻ ഗ്രൗണ്ടിനെ യോഗ്യമാക്കിയത്. നാലാം ഏകദിന മഴ മൂലം രണ്ട് ദിവസങ്ങളായാണ് നടന്നിരുന്നത്.

സൗത്ത് ആഫ്രിക്കക്കെതിരെ നടന്ന അവസാന മത്സരത്തിൽ 48 പന്തിൽ നിന്ന് 91 റൺസ് എടുത്ത് സഞ്ജു സാംസൺ മികച്ച പ്രകടനം പുറത്തെടുത്തിരുന്നു. അഞ്ച് മത്സരങ്ങളുള്ള പരമ്പര 4-1 എന്ന നിലയിൽ ഇന്ത്യ സ്വന്തമാക്കിയിരുന്നു.

Advertisement