ഇന്ത്യയുടെ തോല്വിയ്ക്ക് പൂര്ണ്ണ ഉത്തരവാദികള് സഞ്ജയ് ബംഗാറും രവി ശാസ്ത്രിയുമാണെന്ന് അഭിപ്രായപ്പെട്ട് സൗരവ് ഗാംഗുലി. 2011 മുതല് ഇന്ത്യയുടെ വിദേശ പരമ്പരയിലെ പ്രകടനം എടുത്താല് വലിയ ടീമുകളോട് പരമ്പര തോല്ക്കകുയാണ് പതിവ്. വിരാട് കോഹ്ലി നേരിടുമ്പോളുള്ള ബൗളര്മാരല്ല മറ്റു ബാറ്റ്സ്മാന്മാര്ക്കെതിരെ പന്തെറിയുന്നതെന്ന് പൊതുവേ തോന്നിപ്പിക്കുന്ന തരത്തിലുള്ള പ്രകടനമാണ് മറ്റു താരങ്ങള് പുറത്തെടുക്കുന്നതെന്ന് പറഞ്ഞ ഗാംഗുലി തോല്വിയുടെ ഉത്തരവാദിത്വത്തില് നിന്ന് ശാസ്ത്രിയ്ക്കും ബംഗാറിനും ഒഴിയാനാകില്ലെന്നും പറഞ്ഞു.
ബാറ്റിംഗ് കോച്ചിനും മുഖ്യ കോച്ചിനും ഇതിനു ഉത്തരം പറയുവാനുള്ള ബാധ്യതയുണ്ട്. എന്ത് കൊണ്ട് വിദേശ പിച്ചുകളില് ഒരു താരം മാത്രം മികവ് പുലര്ത്തുന്നുവെന്നും മറ്റുള്ളവര്ക്ക് അതിനു കഴിയാതെ പോകുന്നുവെന്നുമുള്ള ഉത്തരം ഏവരും പ്രതീക്ഷിക്കുന്നു. ഇതിനു ഉത്തരം കണ്ടെത്താനാകുന്നില്ലെങ്കില് ഇംഗ്ലണ്ട്, ഓസ്ട്രേലിയ, ദക്ഷിണാഫ്രിക്ക എന്നിവിടങ്ങളില് ഇന്ത്യ ഒരിക്കലും പരമ്പര ജയിക്കുകയില്ലെന്നും ഗാംഗുലി പറഞ്ഞു.