നജാം സേഥിയ്ക്ക് പകരക്കാരനായി പുതിയ ചെയര്മാനായി എഹ്സാന് മാനി തിരഞ്ഞെടുക്കപ്പെട്ടു. മറ്റാരും തന്നെ മാനിയ്ക്കെതിരെ നാമനിര്ദ്ദേശം നല്കാത്തതിനാല് എതിരില്ലാതെയാണ് മാനി തിരഞ്ഞെടുക്കപ്പെട്ടത്. ബോര്ഡ് ഓഫ് ഗവര്ണേഴ്സിലേക്ക് മാനിയുടെ പേര് പാക്ക് പ്രധാനമന്ത്രി ഇമ്രാന് ഖാന് ആണ് നിര്ദ്ദേശിച്ചത്. പാക്കിസ്ഥാന് ബോര്ഡിന്റെ ഭരണഘടന പ്രകാരം രാജ്യത്തിന്റെ പ്രധാനമന്ത്രി ബോര്ഡിന്റെ പേട്രണ് ആണ്.
മാനിയുടെ പേപ്പറുകള് പരിശോധിച്ച ശേഷം താരം പാക്കിസ്ഥാന് ബോര്ഡ് ചെയര്മാനായി തിരഞ്ഞെടുക്കപ്പെട്ടുവെന്ന പ്രഖ്യാപനം പിസിബിയുടെ ഇലക്ഷന് കമ്മീഷണര് റിട്ടേര്ഡ് ജസ്റ്റിസ് അഫ്സല് ഹൈദര് പ്രഖ്യാപിക്കുകയായിരുന്നു.