രഞ്ജി ട്രോഫിയുടെ ആദ്യ ദിനം തിരുവനന്തപുരം സ്പോർട്സ് ഹബിൽ കേരളത്തിന്റെ രക്ഷകനായി സൽമാൻ നിസാർ. ടോസ് നേടി ബാറ്റിംഗിനിറങ്ങിയ കേരളം ഇന്ന് കളി അവസാനിക്കുമ്പോൾ 84 ഓവറിൽ ഒൻപത് വിക്കറ്റ് നഷ്ടത്തിൽ 302 റൺസെന്ന നിലയിലാണ്‌.
തുടക്കത്തിൽ വിക്കറ്റുകൾ പെട്ടെന്ന് നഷ്ടമായപ്പോൾ സൽമാൻ നിസാറിന്റെയും ഷോൺ റോജറിന്റെയും കൂട്ടുകെട്ട് കേരളത്തിന് തുണയായി. 172 പന്തുകളിൽ 111 റൺസ് (11 ഫോറും 1 സിക്‌സും) നേടിയ സൽമാൻ ഇപ്പോഴും ക്രീസിൽ തുടരുകയാണ്. ഷൗൺ റോജറിന്റെ 59 (119 പന്ത്, 9 ഫോർ) റൺസും അക്ഷയ് ചന്ദ്രൻ 38 (77 പന്ത്, 6 ഫോർ) റൺസും നേടി.
അവസാന ഘട്ടത്തിൽ നിധീഷിന്റെ 30 റൺസും (43 പന്ത്, 4 ഫോറും 1 സിക്‌സും) സ്കോർ മുന്നോട്ടു നയിച്ചു.
ബീഹാറിനായി ഹർഷ് വിക്രം സിംഗും സച്ചിൻ കുമാർ സിംഗും രണ്ട് വിക്കറ്റുകൾ വീതം നേടി. വീർ പ്രതാപ് സിംഗ്, അബിഷേക്, ഘുലാം റബ്ബാനി, എസ് ഗനി, വൈ പി യാദവ് എന്നിവർ ഓരോ വിക്കറ്റ് വീതവും നേടി.
ഇപ്പോൾ സൽമാൻ നിസാറും വൈശാക് ചന്ദ്രനും ആണ് ക്രീസിൽ ഉള്ളത്.
