വരുന്ന ആഭ്യന്തര സീസണില്‍ മുംബൈയുടെ ചീഫ് സെലക്ടര്‍ ചുമതല വഹിക്കുവാന്‍ സലീല്‍ അങ്കോള. ഒരു ടെസ്റ്റിലും 20 ഏകദിനങ്ങളിലും ഇന്ത്യയ്ക്കായി കളിച്ചിട്ടുള്ള താരമാണ് സലീല്‍ അങ്കോള. സയ്യദ് മുഷ്താഖ് അലി ട്രോഫിയാവും അങ്കോളയുടെ കീഴിലുള്ള കമ്മിറ്റിയുടെ ആദ്യ ദൗത്യം.
മുംബൈയുടെ കോച്ചിനെ ഉടനെ പ്രഖ്യാപിക്കുമെന്നും മുംബൈ ക്രിക്കറ്റ് അസോസ്സിയേഷന്‍ വ്യക്തമാക്കിയത്. ടെസ്റ്റില്‍ രണ്ട് വിക്കറ്റും ഏകദിനത്തില്‍ 13 വിക്കറ്റും നേടിയിട്ടുള്ള അങ്കോള തന്റെ 28ാം വയസ്സിലാണ് ക്രിക്കറ്റില്‍ നിന്ന് വിരമിയ്ക്കുവാന്‍ തീരുമാനിച്ചത്.
