പേര് വെളിപ്പെടുത്തുവാൻ താല്പര്യമില്ല, പക്ഷേ ഇനി ഇത് ആവ‍‍ർത്തിക്കുവാന്‍ പാടില്ല – സാഹ

തനിക്ക് വാട്സാപ്പിലൂടെ ഭീഷണി സന്ദേശം അയയ്ച്ച ജേര്‍ണലിസ്റ്റിന്റെ പേര് വെളിപ്പെടുത്തുവാന്‍ താല്പര്യമില്ലെന്ന് അറിയിച്ച് വൃദ്ധിമന്‍ സാഹ. എന്നാൽ ഇനി ഇത്തരത്തിലൊരു അനുഭവം തനിക്കുണ്ടായാൽ ഇതായിരിക്കില്ല തന്റെ സമീപനം എന്നും സാഹ വെളിപ്പെടുത്തി.

സാഹയുടെ അഭിമുഖം നൽകാത്തതിന് താരത്തെ ഭീഷണിപ്പെടുത്തുന്ന ഒരു ജേർണലിസ്റ്റിന്റെ വാട്സാപ്പ് സന്ദേശങ്ങള്‍ താരം പുറത്ത് വിട്ടിരുന്നു. ബിസിസിഐ താരത്തിനോട് സംസാരിച്ചുവെങ്കിലും പേര് വെളിപ്പെടുത്തുവാന്‍ അദ്ദേഹം തയ്യാറായില്ല എന്നാണ് അറിയുന്നത്.

തനിക്ക് ഈ വിഷയത്തിൽ പിന്തുണ അറിയിച്ച എല്ലാ വ്യക്തികള്‍ക്കും താന്‍ നന്ദി അറിയിക്കുന്നുവെന്നും സാഹ അറിയിച്ചു.

Comments are closed.